Mayele a kulonga
Lamiina “Ngono ya mu kikudi” muishimba
“Nsaa ya nekitshisha bua kukambila kinangu kia kuimona bu shi na muulo, Yehowa anyingishaa kukiila ku ngono sunga misike ikobole i mu JW Broadcasting®.”—Lorraine, U.S.A.
“Ngono ya mu kikudi” nyi nkipindi kia mu lulanguilo lua bena Nkidishitu. (Kol. 3:16) Su bolongo yaaya ngono na kuiyilamiina muishimba diobe, i nkukuasha sunga okutua kuikala na mukanda wa ngono sunga Telefone. Tompa ano mayele bodia kumona bia kulamiina ngono mu binangu.
Badika aa mayi bipeela-bipeela bua’shi opushe ki’aapatuula kalolo. Bi nkuikeela bibofule bodia kutentekiesha mianda i muanka nsaa y’ouku ki’aapatuula. Mayi a ngono yetu yooso, mpaa na ingi ngono yetu na ngono ya baana bakinga, i mu jw.org. Pa mbalo ifunde’shi mikanda, tuela pa Misike.
Funda mayi a ngono na maasa oobe. Su bokitshi biabia, olamiina mayi a ngono mu binangu kushi lukalakashi.—Miy. 17:18.
Ambuula n’eyi di bukopo. Obadikie sunga misuusa i bungi.
Otompe kukita bino bua kutala su bolamiina. Ekitshishe bua kutentekiesha mayi a ngono kushi kutala kuipupua, kubapu otaluule su boyimbi kalolo.