“Ha mga panahon nga nadidepres ako, ginpaparig-on ako ni Jehova pinaagi han mga kanta ha JW Broadcasting^®.”​—Lorraine, U.S.A.

An mga Kristiano pirme nagkakanta hin mga kanta ha pagdayaw ha Dios. (Col. 3:16) Kon mimemoryahon mo ito nga mga kanta, makakabulig ito ha imo bisan kon waray ka songbook o gadyet. Testingi an masunod nga mga tip basi mamemorya mo an mga kanta.

• Basaha hin maopay an mga liriko basi masabtan an kahulogan. Kon nasasabtan mo an kahulogan mas masayon ito hinumdoman. An mga liriko han tanan naton nga mga kanta, upod na an orihinal nga mga kanta ngan mga kanta para ha kabataan, available ha jw.org. Ilarom ha seksyon nga Librarya, pakadto ha Musika.

• Isurat an mga liriko. Mabulig ito ha imo nga mas mahinumdoman an mga liriko.​—Deut. 17:18.

• Pagpraktis ha daku nga tingog. Basaha o kantaha hin pauroutro an kanta.

• Testingi an imo memorya. Testingi paghinumdom an mga pulong nga diri ka nagkikita ha liriko, ngan kitaa kon namemorya mo gud ba ito.