Cüpa amulmi quiñe lof tami quimnofiel, ¿chumafuimi cai?

1. 1. Quisu dulliafuimi cheu püle tami amual.

2. 2. Inayafuimi ti rüpü cheu ñi amulen tati pu che.

3. 3. Ngüneduamafuimi quiñe mapa cam maneluhuafuimi quiñe cüme hueni quimfilu ti rüpü.

Dulliliyiñ ti hunen dungu cam ti epu dungu taiñ feipiel, cheu püle rume puhuafuiñ. Huelu inaliyiñ ti cülangechi dungu, puhuafuiñ cheu taiñ ayünieel.

Ca femngechi felei taiñ mongen, ayünieiñ taiñ nierpual ayühun-ngechi mongen. ¿Diturpupeafiyiñ mai? Taiñ femal, duamnieiñ manelfalchi ngülam taiñ cüme dullial.

Fill antü mülei taiñ dullial fillque dungu, huelu quiñeque mu mülei doi falin-ngechi dungu taiñ dullial. Taiñ dulliqueel quimfalcünuquei chem mülei taiñ piuque mu. Pengelquei chem taiñ cümelu troquifiel cam cümenolu. Taiñ dulliqueel cümelcayafeiñmu cam huesalcayafeiñmu iñchiñ ca caquelu che taiñ piuqueyefiel. Tüfachi dungu mu mülei taiñ cüme dullial:

• ti curehuen ca ti cudumuhun dungu

• ti cüdau mu, plata dungu mu, ca taiñ nor chengeal

• chumngechi tremümafiel pu pichiqueche

• chumngechi cüme yeucüleal caquelu che iñchiñ

Chem taiñ dulliel tüfachi dungu meu, ¿ayüucülepeafuiñ mai iñchiñ ca taiñ pu che?

Cüme quimnoliyiñ chem ñi cümen ca chem ñi cümenon, ¿chem quelluafeiñmu taiñ dullial?

Tüfachi chillca quimeltuaimu Biblia tañi manelfalngen, feimu quelluafeimu tami cüme dullial.