Kow taki i mu go a wan peesi di ya go noiti ete, sai be o du?

1. 1. Go a pe i wani.

2. 2. Waka a taawan baka. Kande den sabi a pasi.

3. 3. Wooko anga wan kaita di o soi yu a pasi efuso akisi wan mati fii di sabi a peesi.

Efii wooko anga penti wan anga tu, yo doo a wan peesi namo, ma a ná pe i wani go. Efii wooko anga penti dii, i sa biibi taki yo doo na a peesi dii wani go.

A libi fu u de enke wan pasi di u mu waka. Den sani di we du sa meke u piisii, ma den sa meke u tyali tu. Neen meke u mu luku sama we go suku yeepi fosi u du wan sani

Son bosoloiti di we teke nai abi kaakiti aw tapu so, ma son wan fu den e pelensipali. Den bosoloiti di we teke e soi san we si fu bun sani efuso san á bun. Den sa abi kaakiti aw tapu tu. Boiti dati, den sa abi kaakiti a den sama fu u tapu. Wantu fu den sani ya na:

• Seks anga a toowlibi

• Efi yo taki a tuu, a wooko di ye du, anga fa ye si moni

• Fai mu kiya i pikin

• Fa ye libi anga taawan

Saide i sa biibi taki den bosoloiti di ye teke te a abi fu du anga den sani ya, sa meke yu anga yu osufamii piisii aini a ten di e kon?

Ala u mu piki a akisi ya gi useefi: Saw yeepi mi fu du sani anga koni te mi mu luku san bun anga san á bun?

A Wakititolen ya e soi saide i sa biibi san Beibel e taki te a abi fu du anga san bun anga san á bun.