Cava o na cakava ke o via gole ina dua na vanua o se bera vakadua ni lesu mai kina?

1. 1. Muria na sala o nanuma ni donu vei iko.

2. 2. Muri ira eso tale ni o nanuma nira kila na gaunisala.

3. 3. Raica e dua na idusidusi nuitaki me vaka na misini na GPS, na mape, se dua nomu itokani nuitaki e kila na gaunisala.

Ke o digia na imatai se ikarua ni vakatutu, o na rairai sega ni yacova na vanua o via gole kina. Ia ke o digia na ikatolu ni vakatutu, o na nuidei ni o na yaco ena vanua qori.

Na noda bula e vaka e dua na ilakolako eda vakanuinui tu nida na vakila kina na marau. Noda rawata na marau qori e vakatau vakalevu ena ivakasala eda digia meda muria nida vakatulewa.

Eso na vakatulewa eda cakava e sega ni bibi sara, ia e levu e tara sara ga na noda bula taucoko. Na vakatulewa bibi eda cakava e vakaraitaka na noda rai me baleta na ka e donu kei na ka e cala. Ena rawa ni vinaka se ca qai tarai keda, kei ira eda lomana ena dua na gauna balavu. Na vakatulewa qori e okati kina na ka e vauca na:

• Veiyacovi kei na vakawati

• Daudina, cakacaka kei na ilavo

• Sala mera susugi kina na gone

• Sala meda veimaliwai kina kei ira eso tale

O na vakadeitaka vakacava ni ka o vakatulewataka ena ituvaki qori ena vakamarautaki iko, kei na nomu vuvale ena gauna se bera mai?

Qo na taro meda vakasamataka yadudua: Na idusidusi cava meu muria niu vakatulewataka na ka e donu se cala?

Na mekesini qo ena vakamacalataka na vuna e nuitaki kina na iVolatabu, kei na sala ena vukei iko kina.