Ũngĩenda gũthiĩ handũ ũtarĩ wathiĩ-rĩ, ũngĩka atĩa?

1. 1. Kũrũmĩrĩra njĩra ĩrĩa ũreciria nĩyo ĩgũgũkinyia kũrĩa ũrathiĩ.

2. 2. Kũrũmĩrĩra andũ angĩ, ũkĩhokaga atĩ nĩ moĩ njĩra ya kũrĩa ũrathiĩ.

3. 3. Kũhũthĩra kĩndũ ũngĩhoka ta mabu na GPS, kana ũhoe ũteithio kuuma kũrĩ mũrata ũngĩhoka ũrĩa ũĩ njĩra ĩrĩa wagĩrĩirũo kũgerera.

Ũngĩthuura kũrũmĩrĩra ũndũ wa mbere kana wa kerĩ, no wage gũkinya kũrĩa ũrathiĩ. Ĩndĩ ũngĩthuura kũrũmĩrĩra ũndũ wa gatatũ, no ũkorũo na ma atĩ nĩ ũgũkinya kũrĩa ũrenda gũthiĩ.

O ta ũrĩa tũgĩthiĩ rũgendo twĩrĩgagĩrĩra gũkinya kũrĩa tũrathiĩ, noguo o na ũtũũro-inĩ witũ twĩrĩgagĩrĩra kũgĩa na mũtũũrĩre mwega. No nĩguo tũkorũo na mũtũũrĩre ta ũcio, nĩ tũrabatara gũcaria motaaro ma kwĩhokeka rĩrĩa tũratua matua.

O na gũtuĩka matua maingĩ marĩa tũtuaga no mage kũhutia ũtũũro witũ na njĩra nene, matua mangĩ nĩ ma bata makĩria tondũ nĩ monanagia tũrũmagĩrĩra ithimi cia mũthemba ũrĩkũ ciĩgiĩ wega na ũũru. Matua ta macio ma bata no matũhutie hamwe na andũ arĩa twendete, hihi na njĩra njega kana njũru kwa ihinda iraihu. Matua macio mahutĩtie maũndũ ta maya:

• Ngomanio na kĩhiko

• Wĩhokeku, wĩra, na mbeca

• Kũrera ciana

• Ũrĩa tũrũmbũyanagia na andũ arĩa angĩ

Ũngĩmenya atĩa kana matua maku megiĩ maũndũ macio no matũme ũgĩe na ũtũũro mwega hamwe na famĩlĩ yanyu?

Ithuothe no twĩyũrie kĩũria gĩkĩ: Nĩ kĩĩ kĩngĩndeithia gũkũũrana ũndũ ũrĩa mwega na ũrĩa mũũru?

Ngathĩti ĩno nĩ ĩtaarĩirie kĩrĩa kĩngĩtũma twĩhoke ũrĩa Bibilia yugaga igũrũ rĩgiĩ wega na ũũru na ũrĩa ĩngĩtũteithia.