Ngeenge owa hala okuya konhele yonhumba, oko ino enda nande onale, oshike to ka ninga po?

1. 1. Oto ka ya nondjila oyo to diladila kutya oyo u na okuya nayo.

2. 2. Oto ka shikula vamwe u na elineekelo kutya ove shii ondjila.

3. 3. Oto ka konga ekwafo kodjo i shi okulineekelwa, ngaashi o-GPS, okaalita, ile kaume e shi okulineekelwa, oo e shii ondjila.

Ngeenge otwa hoolola onomola yotete, ile onhivali, otashi dulika tu ende mondjila, ashike itatu ka fika oko twa yuka. Ngeenge otwa hoolola onomola onhinhatu, ohatu dulu okukala nelineekelo kutya ohatu ka fika konhele oko twa finda.

Onghalamwenyo oya fa omunhu e li molweendo, noku na elineekelo kutya ota ka kala a hafa monakwiiwa. Kutya nee otwa fika konhele oko, ile hasho, otashi ka kala she likolelela kwaao hatu pula ewiliko, ngeenge hatu ningi omatokolo.

Omatokolo mahapu oo hatu ningi otaa dulu okukuma onghalamwenyo yetu oule wefimbo, naamwe omuo okwa fimanenena. Omatokolo oo otaa ulike osho twa itavela kombinga yaasho shi li mondjila naasho sha puka. Omatokolo a tya ngaho otaa dulu oku tu kuma nawa, ile nai oule wefimbo nosho yo ovo tu hole. Omatokolo oo okwa kwatela mo oinima tai shikula:

• Omilele nohombo

• Okupopya oshili, oilonga noimaliwa

• Nghee to dulu okutekula ounona

• Nghee u na okuungaunga navamwe

Ongahelipi to dulu okukala noushili kutya omatokolo oye moinima oyo otae ke ku kwafela u kale wa hafa nosho yo oukwaneumbo woye monakwiiwa?

Epulo olo keshe umwe womufye ta dulu okulipula oleli kutya: Oshike tashi dulu okukwafela nge ndi ninge omatokolo mawa aasho shi li mondjila naasho sha puka?

Oshifo eshi osha yelifa kutya omolwashike mOmbiibeli mu na ewiliko lopaenghedi li shii okulineekelwa nanghee tai dulu okukwafela.