Yisinke no rugana nsene ono hara kuza kevango eli wa dira kuza rumwe?

1. 1. To gusa nzira ezi ono kugazarera asi zouhunga ndi?

2. 2. To kwama vantu nokuhuguvara asi va diva nzira ndi?

3. 3. Ndi to ruganesa GPS, karata ndi kaume gokuhuguvara ogu ga diva nzira?

Nsene o horowora egano lyokuhova ndi lyauvali, kuvhura o ka sike kevango lyongandi, nye kapisi kevango eli ono hara kuza. Nsene o horowora egano lyautatu, ove kuvhura o kare nehuguvaro asi no ka sika kevango eli ono tamba.

Eparu lyetu kwa fana ngwendi rugendo oru ngaru tu twaredesa tu ka gwane meho zongwa. Yi kare asi ngatu zi gwana ndi hawe, ayo kwa korera oku atu gwana mavyukiso apa atu tura po matoroko.

Sinzi somatokoro aga atu tura po kutukundama tupu pokaruwogona, nye gamwe kukundama eparu lyetu nalinye. Matokoro ogo kulikida eyi twa pura nsene asi yininke youhunga ndi yepuko. Matokoro gangoso ngaga tu kundama eparu lyetu nalinye yi kare asi monaruwa ndi momudona, kukwatera mo ava twa hara. Matokoro aga kwa kwatera mo yininke ngwendi:

• Eligwanekero panyama ntani nonkwara

• Kuuyunga usili, yirugana ntani yimaliwa

• Omu natu rera vanona

• Nomu natu tekura wopeke

Ngapi omu no diva asi matokoro goge ngaga ku vatera o ka gwane meho zongwa kumwe nepata lyeni?

Nkenye gumwe gwetu kulipura epuro eli asi: “Yisinke nayi vatera nge ni ture po matokoro gomawa kuhamena yininke youhunga neyi yepuko?”

Sifo esi tasi ka faturura eyi natu huguvarera eyi za uyunga ko Bibeli kuhamena yininke youhunga neyi yepuko ntani nomu nazi tu vatera.