Wewe musue kuya muaba uutu kuyi muanji kufika, ntshinyi tshiwenza ku malu asatu adi alonda aa?

1. 1. Kulonda njila uudi umona ne: mmuimpe.

2. 2. Kulonda bantu baudi wela meji ne: mbamanye njila.

3. 3. Kutangila tshintu tshia kueyemena tshidi tshileja njila, bu mudi: GPS, karte, anyi kuebeja muntu wa kueyemena udi mumanye njila bimpe.

Wewe musungule bualu bua 1 anyi 2, udi mufuane kuya kua tshianana. Kadi wewe musungule bualu 3 nebikale bipepele bua wewe kufika kuudi usua kuya.

Nsombelu wetu mmuenze anu bu tudi mu luendu, luendu lutudi tujinga bua lutufikishe ku masanka. Muaba utudi tukebela buludiki ke wenza nangananga bua tupete masanka au anyi katuapetshi to.

Nansha mudi mapangadika a bungi atutu tuangata mikale ne mushinga, makuabu adi owu ne mushinga wa bungi bualu adi aleja tshitudi tumona ne: ntshimpe anyi tshibi. Adi mua kutuenzela tuetu ne bantu bakuabu bimpe anyi bibi munkatshi mua tshikondo tshile. Mapangadika au adi atangila malu bu mudi:

• Disangila ne dibuela mu dibaka

• Bululame, mudimu, ne makuta

• Mua kukolesha bana

• Mua kusomba ne bakuabu

Ntshinyi tshidi mua kukuleja bikala mapangadika audi wangata mu malu aa mua kukupetesha wewe ne bena mu dîku diebe masanka?

Lukonko lua kudiela ludi ne: Ntshinyi tshidi mua kungambuluisha bua kutapulula tshidi tshimpe ne tshidi tshibi?

Tshibumba tshia Nsentedi etshi tshidi tshileja bua tshinyi bimpe tulonde tshidi mukanda wa Nzambi wamba bua tshidi tshimpe ne tshidi tshibi ne mudiye mua kukuambuluisha.