Ndi cakuti mukulonda ukuya uku ncende ino mutatala mwayako, i vyani vino mungacita?

1. 1. Kulungama kuno mukwelenganya ukuti akuno mulinzile ukuya.

2. 2. Kulondela sile yamwi nu kutaila ukuti iyamanya ningo inzila.

3. 3. Ukuomvya iviombelo ivitailwe wakwe, mapu, nanti kuzya cuza winu wino imusininkizya ukuti amanyile ningo inzila.

Ndi cakuti twacita ivili pa 1 nanti pa 2 limwi tungaponga. Nomba ndi cakuti twacita ivili pa 3 tungasininkizya ukuti tumafika kuno tukuya.

Swe antu twaya kwati twaya pa lwendo luno tukapaalila ukuti ukunkoleelo tulazana insansa. Nupya vino tukalondela lino tukupingula pa vintu vingalenga tuce tuye ni nsansa nanti foo.

Umu umi tukapingula pa tuntu utunono alino ni vintu ivicindame. Nupya vino tukapingulapo ukucita vikalanga vino tukalola icisuma ni ciipe. Vino tukapingulapo ukucita vyakuma sweswe alino na antu yauze, vingalenga ivintu ukuzipa nanti ukwipa. Tukapingula pa vintu wakwe:

• Kupanga icupo, kutwala nanti ukutwalwa

• Ucisinka, incito, alino ni mpiya

• Vya kukuzya ana

• Vya kuvwana na antu yauze

Mungacita uli pakuti mumanye ndi cakuti vino mwapingulapo ukucita pa vintu vii vilalenga muye ni nsansa ukunkoleelo na ya lupwa inu?

Swensi kwene tukayuzya iuzyo lyakuti: I cani icingangazwa ukupingula ningo pa vintu?

Magazini wii akulanda pa mulandu uno tungalandila ukuti Baibo ingatwazwa ukupingula ningo pa cisuma ni ciipe.