Vati mua lingile mu mua tondele kuya vungendzi ku cimo cihela ku mua ci tantekeyele?

1. 1. Mua ile ku mua singaniekele kuya.

2. 2. Mua kavele vakuenu, mu ku singanieka ngecize va tantekeya vuino njila.

3. 3. Mua kavele GPS, mapa ni cimamuna ca umo kavusamba i mua kulahela.

Nga tu hangula cinanga ca ku livanga ni ca mu civali, tu hasa kuya ku cihela cose-oco, vunoni ka tu ka hete kuze ku tu ya. Nga tu hangula cinanga ca mu citatu, tu hasa kuya mpundu kuze ku tu tonda kuya.

Muono uetu ua pua ngue vumo vungendzi vuze vu hasa ku tu tuala ku cimo cihela ca cili. Linga tu ka heteko ni kuahi, ca hitukila kuze ku tu ka tonda vimamuna linga tu linge cihangula ca cili.

Vutuhu tue ku linga vihangula via vingi vie ku kuata ku mono uetu, vunoni vimo via pua via seho cikuma. Evi vihangula viaco, via muesa mpundu vi tua tsiliela ku tuala ku via cili na via vipi. Kaha vihangula viaco cipue via cili ni via vipi, vie ku kuata ku vaze va tua lema. Ngeci mua vihangula ku tuala ha:

• Ku limona ku muvila na iya tua ambata ni ku somboka

• Ku pua mukua vusunga, vipanga na vimbongo

• Mua ku lelela vana

• Mua ku yoyela na vakuetu

Vati mu hasa ku kala na vusunga ngecize vihangula vienu ku tuala hali evi vi tua tumbula helu, vika mi kuasa ku kala mu ndzolela hamo lika na vusoko vuenu?

Vunoni cihula ci tua pande ku lilinga tu vose eci: Cimamuna cika ca pande ku nji tuamenena ku tuala ha ku linga cimo cihangula?

Uno mukanda ua lombolola omo lia vika, tua pande ku kulahela mu Mbimbiliya ku tuala ku via cili na via vipi na vati i hasa ku tu kuasa.