A lsoam el mora basio el dirkak a ta el obo er ngii, e ke mo mekerang?

1. 1. Merael el bedul a rael el momdasu e ngungil omoeak ngii.

2. 2. Oltirakl er a rebebil e omeltkem el kmo te medengelii a rael.

3. 3. Mora sebeched el lultuil er ngii el ua GPS, map, me a lechub e ngsechelim el moumerang er ngii e medengelii a rael.

A lsekum e kede melilt el mo meruul er a one me a lechub e ng two, e ngngar ngii a debo er ngii engdi nglocha diak el sel basio el soad el mo er ngii. A dengiltii a number three e ngkmal sebechel mo ulterekokl a rengud el kmo, kede mo er sel soad el mo er ngii.

A klengar er kid a di uai a omerael, el urunguled a kmo ngmo ngoikid el mora klengar er a ngar medad el ngar ngii a deurreng er ngii. A mo olterekokl el kmo kede mo nguu tia el klengar a kmal di mo ultuil er a ulekrael el dousbech el meruul omelilt.

Me alta oumesingd el omelilt el doruul a kora di mekekerei el tekoi, me nguaisei engdi ngar ngii a bebil el kmal meklou a ultutelel. Aika el omelilt ochotii el kmo ngera kede oumerang el kmo ngungil me a mekngit. E aika ngar ngii a bo lerellii er kid me a rebetik er a rengud el kemanget el taem, el ungil me a lechub e ngmekngit. Aika el omelilt a uldimukl er a chouaika el tekoi:

• Tekoi er a cheliuaiu me a chebechiil

• Mo honest, ureor, me a udoud

• Rolel a domekeroul er a rengalek

• Omerelled el mora rebebil

Ngmekera omoterekeklii el kmo, a omelilt er kau el kirel aikang a mo mekrolau el mora klengar er a ngar medad el ngar ngii a deurreng er ngii, el kirem kau me a telungalek er kau?

A ker el derta er kid a chelebangel er ngii a kmo: Ngera mo omekrael er kid sel dolilt el kirel a kmo ngngera ungil me a mekngit?

Tia el magazine a mo mesaod er a uchul me ngsebeched el ultuil er a Biblia el omekrael er kid me a rolel e ngsebechel ngosukau.