Waut wurscht du doonen, wan du wua hanreisen west, wua du noch kjeenmol ea wieescht?

1. 1. Wurscht du doa delenjd gonen, wua die sikj daut rajcht späat?

2. 2. Wurscht du aundre hinjaraungonen un hopen, daut dee dän Wajch kjanen?

3. 3. Wurscht du die dän Wajch sieekjen opp eene Launtkoat ooda dien Fon ooda wäm froagen, waut dän Wajch goot kjant?

Wan du die eent von de ieeschte beid wälst, woascht du secha irjentwua hankomen, oba veleicht nich doa, wua du hanwust. Oba wan du die daut dredde wälst, dan kaust du die secha sennen, daut du doa hankomen woascht.

Ons Läwen es uk sea soo aus eene Reis. Wie aula wenschen ons een scheenet Läwen, oba aus wie bat doa komen ooda nich, haft väl doamet to doonen, bie wäm wie no Rot gonen, wan wie Entscheidungen moaken.

Daut jeft een deel kjliene Entscheidungen, waut wie moaken, oba daut jeft uk een poa groote un wichtje Entscheidungen, waut wie moaken motten. Dise Entscheidungen wiesen, waut wie fa rajcht un orrajcht talen. Dee kjennen toom Gooden ooda toom Schlajchten sennen un woaren oppe Lenjd Foljen haben fa ons un de Menschen, waut wie leewen. Hia sent Biespels von Sachen, wua wie groote Entscheidungen moaken motten:

• Sex un Ehestaunt

• Opprechtich sennen, Oabeit un Jelt

• Woo eena Kjinja opptrakjen kaun

• Woo wie met aundre omgonen

Woo kaust du weeten, aus diene Entscheidungen woaren goot utkomen fa die un diene Famielje?

Wie motten ons aula met dise Froag aufjäwen: Woo kaun ekj fa neiw weeten, waut rajcht un waut orrajcht es?

Dit Buakje wiest, wuarom wie ons doaropp veloten kjennen, waut de Schreft doaräwa sajcht un woo die daut halpen kaun.