Tongana mo ye ti voyagé ti gue na mbeni ndo so lâ oko mo si dä ape, nyen la mo yeke sara?

1. 1. Eskê mo yeke mû mbeni lege gï tongaso?

2. 2. Eskê mo yeke mû gï peko ti azo ndali ti so mo pensé so ala hinga lege ni?

3. 3. Eskê mo yeke sara kua na mbeni carte, mbeni GPS wala mo yeke sara confiance na mbeni kamarade ti mo so ahinga lege ni?

Tongana mo soro kozo ye ni wala use ni, peut-être a yeke gue na mo ti si na mbeni ndo; me pëpe na vrai ndo so mo ye fade ti gue dä. Tongana mo soro ota ye ni, mo peut ti duti sûr so mo yeke si na ndo so mo ye fade ti gue dä.

Gigi ti e ayeke tongana mbeni lege so ayeke gue na e ti wara mbeni nzoni gigi ti kekereke. Ti si kâ adépend mingi na ye so e sara confiance na ni na ngoi so e yeke mû adesizion.

Mingi ti adesizion so e yeke mû ayeke sara ye mingi ape na yâ ti gigi ti e, me ambeni ayeke kota mingi. Akota desizion so e mû afa bango ndo ti e na ndö ti ye so ayeke nzoni nga na ye so ayeke sioni. Mara ti adesizion tongaso apeut ti ga na ye ti nzoni wala ye ti sioni na e nga na azo ti sewa ti e teti angu mingi. Adesizion so andu aye tongana:

• Bungbingo koli na wali nga na mariage

• Sarango ye mbilimbili, kua nga na tënë ti nginza

• Batango amolenge

• Fason so e yeke sara ye na mbage ti azo

Tongana nyen la e peut ti duti sûr so aye so e soro ayeke sara ande si e na azo ti sewa ti e, e duti na ngia?

Hunda so e kue e peut ti gbu li ti e na ndö ni ayeke so: Nyen la apeut ti aidé e ti mû anzoni desizion?

Mbeti so ayeke fa ndani so e peut ti sara confiance na ye so Bible atene na ndö ti ye so ayeke nzoni na ye so ayeke sioni nga tongana nyen la Bible apeut ti aidé e.