Su okumiina kuenda mbalo kampanda yoshoyiile dingi, we kukita kinyi?

1. 1. Onangushena lupese loodi mulombene kutadiila.

2. 2. Olondo bangi bantu boodi mukulupile’shi abawuku diadia eshinda kalolo.

3. 3. Tui kutala buludiki bui ku karte sunga kukulupila kuuku eetu auku diadia eshinda kalolo.

Su tuasangula muanda wa kumpala sunga wa kabidi, tui kuenda mbalo kampanda ishi na muulo na kukutua nkafika kuinyi ku’atuende. Kadi su tuasangula muanda wa kasatu, tui na lukulupilo’shi atukafiki kuatukumiinanga kuenda.

Nshalelo eetu e nka bu bantu be mu luendo, lukulupilo luatudi nalo aluitutuala ku muloo wa mu mafuku aafiki. Sunga tuakafika yaya mbalo sunga kukutua nkafika, kintu ki na muulo ukata nkukimba malango p’atukiebe kuata bitshibilo.

Bingi bitshibilo bikata bi’atuataa abitushaa bipeta abikalaa na bukitshishi ku nshalelo eetu munda a mafuku e bungi, bingi namu ta bi na muulo. Bino bitshibilo bi na muulo, abileesha mianda yatudi bakumiine pabitale bi buwa na bi bubi. Bitshibilo bi buwa sunga bi bubi biatudi baate abikeekala na bukitshishi kuatudi na kui baaba batudi bafule munda a mafuku e bungi. Mu bino bitshibilo mui mianda bu ino:

• Lusandi n’eyibakishi

• Kululama, mudimo, na makuta

• Mushindo wa kukusha bana

• Bia kukitshiina bangi mianda

We kushinkamisha’shi bitshibilo biobe mu ino mianda abikakuikasha na muloo mu mafuku aafiki na kifuko kiobe naminyi?

Lunkonko lulombene kuiyela ooso akuatudi nduno: Nkinyi kilombene kunkuasha buandia kuata bitshibilo pabitale ki buwa na ki bubi?

Kino Kitenta kia Mulami akipatuula buakinyi tui balombene kukulupila ku akiakula Bible pabitale ki buwa na ki bubi, na biadi mulombene nkukuasha.