Andi i bi o du ee i kë go a wan kamian ka ja go wan daka?

1. 1. I bi o waka go ka i si kuma i musu go u?

2. 2. I bi o ta waka a wanlö sëmbë baka ta wensi taa de sabi di pasi ö?

3. 3. I bi o luku wan kaita, wan GPS, nasö i bi o go hakisi wan sëmbë di sabi di kamian bumbuu ö?

Wë ee i du di u tu soni, nasö di fosuwan, nöö joo go dou a wan kamian, ma a sa kan taa na a di kamian dë i bi kë go. Ma ee i du di u dii soni, nöö i sa dë seiki taa joo dou ka i bi kë go.

Di libi fuu dë kuma te woo tei wan waka go a wan kamian ka woo sa ta dë waiwai. Ma di kamian ka woo go suku heepi, hën o lei ee woo dou ka u kë go.

So soni di u ta du ta abi kaakiti a u libi gaanfa möön wotowan. So u de ta dë pikipiki soni, ma so u de ta dë gaan soni seei. Dee soni dë ta lei andi wan sëmbë ta si kuma da bunu ku hogi. Dee soni dee u ta du sa mbei soni waka bunu da u ku dee sëmbë fuu, nasö de sa mbei u ku de tuu ko ta dë tjalitjali. Dee soni dë sa dë soni kuma:

• Manu ku mujëë soni

• Möni, wooko, nasö di du di u musu ta du soni ku wan limbo háti

• Di fasi fa u musu kiija miii

• Di fasi fa u musu libi ku wotowan

Unfa i sa ko sabi ee dee soni dee i buta taa joo du o mbei i ku dee sëmbë fii ko ta dë waiwai a di ten di ta ko?

Hii u tuu ta booko u hedi u ko sabi andi sa heepi u fuu sabi andi bunu u du, ku andi an bunu.

Di buku aki o lei u faandi mbei u sa futoou di Bëibel. Söseei woo si unfa di Bëibel sa heepi u.