Komo wix pimputuna niku ni lakgapasnana, ¿tuku tlawaya?

1. 1. Pina niku wix lakpuwana pi miliʼanat.

2. 2. Kastalaniya tiku lakpuwana pi max lakgapasnankgo.

3. 3. Putsaya tuku tlan napulalinan, chuna la akgtum GPS o maktum mapa, o kgalhskina chatum amigo tiku liwana lakgapasnan.

Komo laksakti xapulana akgtiy max wi niku nachipina, pero ni anta niku xlakpuwanita. Pero komo laksakti xlipulaktutu, liwana kakatsi pi nachipina niku chipimputuna.

Kilatamatkan xtachuna la wi niku amaw, chu putum akinin tekgsputunaw tiji nema nakinkalinan niku champutunaw: nakgalhiyaw tapaxuwan. Tuku nalaksakaw la uku nakinkamakgtayayan napaxuwayaw o ni napaxuwayaw, wa xlakata lu xlakaskinka pi nakgalhiyaw tuku nakinkapulalinan nema nakinkamakgtayayan tlan nakinkakitaxtuniyan.

Xlikana pi lhuwa tuku laksakaw kkilatamatkan ni lu xlakaskinka, pero anan makgapitsi nema lakgpali kilatamatkan. Tuku laksakaw limasiya tuku tayat kinkalimakgastakkan, limasiya tuku lakpuwanaw pi tlan o nitlan. Putum tuku laksakaw natlawa pi max tlan o nitlan nakinkakitaxtuniyan akinin chu kifamiliajkan. Lhuwa tuku laksakaw wa xpalakata:

• tamakgaxtokgat chu talakgxtumit

• taskujut, tumin, chu ni na’akgskgawinanaw

• la nakamakgastakaw kamanan

• la tlan nakatalalinaw amakgapitsin

¿Tuku namakgtayayan nakatsiya pi tuku nalaksaka namakgtayayan wix chu mifamilia xlakata napaxuwayatit?

Putum kililakpuwanatkan: «¿Tuku nakimakgtaya nakkatsi pi tlan tuku klaksakma?».

Uma revista lichuwinan tuku xlakata tlan nalipawana tuku wan Biblia chu la nalitamakgtayaya uma.