Usange tikukhumba kuluta ku malo ghachilendo, kasi tingachita wuli?

1. 1. Tingaluta kulikose uko tingaghanaghana.

2. 2. Tingalondezga ŵanyithu awo tikughanaghana kuti ŵakumanyako.

3. 3. Tingapenja ulongozgi wakugomezgeka nga kugwiliskira ntchito mapu, panji tingafumba mubwezi wakugomezgeka uyo wakumanyako makora.

Para tingasankha sachizgo lakwamba panji lachiŵiri, tingambako ulendo kweni nyengo zinyake tingapuluka. Kweni para tingasankha sachizgo lachitatu, tingaŵa na chigomezgo chose kuti tamufika uko tikukhumba.

Umoyo withu uli nga ni ulendo. Ndipo paulendo uwu tikuŵa na chigomezgo chose kuti tiŵenge ŵakukondwa. Kuti tikafike paulendo uwu panji yayi, vikuthemba uko tikupenja ulongozgi para tikusankha vyakuchita.

Vyakusankha vinyake vikuŵa vyakuzirwa pachoko, apo vinyake vikuŵa vyakuzirwa chomene ndipo vingakhwaska umoyo withu. Nakuti vyakusankha vyakuzirwa ivi, vikuvumbura umo tikuwonera chiwemi na chiheni. Vyakusankha ivi, vingakhwaska ise kweniso awo tikuŵatemwa kwa nyengo yitali. Ndipo vingatovwira kuŵa na umoyo uwemi panji uheni. Vyakusankha ivi vikusazgapo:

• Kugonana na nthengwa

• Kugomezgeka, ntchito na ndalama

• Umo tingalelera ŵana

• Umo tingakhalira na ŵanyithu

Kasi tingamanya wuli kuti ivyo tasankha pa vigaŵa ivi, vingawovwira ise kweniso wa mu mbumba yithu kuŵa na munthazi muwemi?

Waliyose wangajifumba kuti: Kasi ntchivichi chikwenera kunilongozga pakusankha vyakuchita?

Magazini iyi yilongosorenge chifukwa icho tikwenera kugomezgera Baibolo pa nkhani ya chiwemi na chiheni kweniso umo lingatovwilira.