Ka mo aida ka ndu kurogo gu ba nga gu mo aadanga rogoho mbata ya, ginipai ka mo mangihe?

1. 1. Ka guari kaa ndu kurogo gu ba mo aberãha nga yo du du gu ba re ni.

2. 2. Pekafuo gu kura aboro, kini berẽ gupai nga i ima ino gene.

3. 3. Mangasunge na agu ahe rengbe ka undo ro, wa gu nga gbakigbaki kpiarago, watadu gu bakureamo du mo na kido kutini nga ni ima ino gene.

Ka ani sia bambata berãpai watadu gu uehe, ani ima rengba ka da rogo ba ono angianga gu ba ani andu ku rogoho ya. Ono ka ani sia gu biata berãpai, ani ima rengba kadu na gu kido nga ani nika da ada rogo gu ba ani andu ku rogoho.

Gaani raka wakina nunguro​—nga gu du ani na gu maabangirise nga si nika ndu na ani ani gbia ngbarago kumbatayo. Tipa ani da yo watadu ka zanga da yo si naru riipa wari ani agbia undo ni ho ani amanga adiaberã ni.

Wa duhe nga dungu agu adiaberã ani amangaha nika du na maapai kurii gaani raka, agu akuraha kinaho du na nyanyakipaha. Gi nyanyaki adiaberã re nayugo gupai ani abihe na nyanyakipaha​—gaani bipai tipa gupai du ni ruruhe na irairaha. Agu adiaberã re nika du na maapai kurirani na agu aboro ani aima digo nikpinyemu yo tipa gbanga regbo, singia ni wenehe watadu ni gbegberẽhe. Agi adiaberã re nakoda agu apai du wa:

• Kodaba gbiati rogatise

• Pe rengo, sunge na marã

• Wai ka sonosa agude

• Wai ka mangapai na kura aboro

Waigu rengbe mo ka du na kido nga gamo asiapai rogo agi abangiriba re nika ndu na mo mo gbia ngbarago na gamo aborokporo kumbatayo?

Gu sanahe ani agbiatirani na ni nga: Ginipai nika undo re tipa mi mangi diaberã tipa gupai du ni ruruhe watadu irairaha?

Gi magazini re nika undo rani tipa ani bi ndu gupai rengbe ani ka kido ti ni kuti gupai Baibiri apehe tipa gupai du ni ruruhe na irairaha.