Pal naniiny looy nadxinlo toib lagary ro diti ma goyeelo, ¿xí ñonylo?

1. 1. Nanáslo néz ni ronylo pensary que saschiin looy lagarycu.

2. 2. Nacanalo buñ ni ralooyni rimbu nézcu.

3. 3. Naquiinlo toib GPS o toib mapa, o nanabdiitzlo toib ximiglo ni rimbutzaay nézcu.

Pal rabúlo ni primer o ni rarop cu, sadxinlo toib lagary, per sigory diti ro nainy guidxinlo. Per, pal rabúlo ni rioncu, labúu gaplo confianz que sadxinlo ro nainy guidxinlo.

Xcalnabányno nacni xomod toib viaj, né guiráno nainy guidzelno toib néz ni tzané lóono ro nainy guidxinno: guibanyno nakit. Par labúu guibanyno nakit, raquiin cutzayno ni gonyno, por ngú nigolú rasac tzoʼ ni guisanéstzay lóono, ni labúu gapno confianz.

Nigolú, casi guirá cós ni ragoʼno guicno gonyno diti tampa rasacni, per noʼ tipnés ni labúu guitzaʼ mod nabanyno. Láani raslooyni mod nacno, ni radudy diitz, ni ronyno pensary que nac xinésni né ni yaca. Né guirá ni ragoʼno guicno gonyno, labúu sacnéni o sonyni mal buñ ni ronladxno o lóono. Xidal cós ni ragoʼno guicno gonyno raguiñani guirá temas reʼ:

• Sexo né galtzeʼel

• Diti guiscuʼno, dxiin né bidxiich

• Mod guisniʼsno xiinno

• Mod radzakno stipnés

¿Ximod labúu gaplo confianz que guirá ni ragoʼlo guiclo gonylo, sacnéni looy par guibanylo nakit né xfamilo?

Né guiráno non guinabdiitzno ndeʼ: «¿Xí gacné naʼ par cutzaya ni goni?».

Ló revista reʼ sanlo xigony labúu gaplo confianz ló la Biblia par ganlo xi láani ngú xinésni né ximod labúu gacnéni looy.