1. Ke ntaba letšatši la Segopotso le hlawolegiye ka matla mo mongwageng? (Luka 22:19, 20)

 GA BATHO ba Jehova, Segopotso sa likgu la Kreste ke mong letšatši la go hlawolega ka matla mo mongwageng. Ke sona se ntoši sa gore Jeso o ro hlaya gore malata yage ma se gopole. (Bala Luka 22:19, 20.) Di tlelenyana dilo tso di makang gore re dule re yemele Segopotso. Re nyoko bolabola ka tse dingwana.

2. Re maka king tse dingwana gore re dule re yemele Segopotso?

² Segopotso se re gelepa gore re ghayele ka taba ya gore di re gelepa mo di tla kaye tsa go lepolliwa. Se re gopotsa tso re ka ga di maka go šupetsa gore re leboga sehlabelo sa Jeso. (2 Makor. 5:14, 15) Fote se re thulela lešuba la gore re “thogo tiyisana” le magageru. (Mrm. 1:12) Mongwaga wo mongwana le wo mongwana, go tla nombhoro ya go bonalanyana ya bo ba gore baa bata. Ba bangwana ba ro boya ba kwa di ba tšhofa gore ba sologe ba tle ga Jehova ka taba la gore ba kwa go belabela mo ba segela, ke mokane re ba yamogela ka matsogo ka mabedi. Le batho ba go tlala ba gore ba jabolela ditaba tso ba kwa di ba tšhofa gore ba thomise go sepela ga pata yo ya go ya lephelong ka taba la so ba se bonang le so ba se kwang. Byalo, a yi tsa go šinya di ro makatsa mo Segopotso re se tseyela gedimo ka mokgo!

3. Segopotso se maka byang gore magageru lefaseng ka mokana ga lona ba mamarelane? (Lebelela le sethombhe.)

³ O ka fo nagana le ka mokgo Segopotso se makang gore magageru lefaseng ka mokana ga lona ba mamarelane. Mo le kene le tlulela lefaseng ka mokana ga lona, Dihlatse Tsa Jehova di ba di kene di gahlana. Ka mokana ga rune re theetsela polabolo ya gore yi šihlela gore go lepolla ke taba ye kgolo. Re yepelela dikoša ka dipedi tsa go thanaka, re sipidisa sekgwa le wayini, ke mokane ra hlaya di re baba re re “amene” ga kanne ya merapelo. Mo go fela  24 ya diawara, diphutego ka mokana ga tsona di nyoko ba di makiye taba yo ya go tshwana. Ayitsano o fela o nagana gore Jehova le Jeso ba jabola go segela kaye mo ba bona re mamarelanne re kene re ba leboga ka mokgo?

4. Re nyoko bolabola ka ying ga hlogotaba yowa?

⁴ Ga hlogotaba yowa, re nyoko fetola diputsiso tsowa: Re ka maka byang gore dipelo tsa rune re di lukiselele Segopotso? Ba bangwana re ka ba gelepa ka mokgo mang gore se ba berekele? Bo ba gore baa bata re ka ba gelepa ka mokgwa mang? Diphetolo tsa diputsiso tsowa di nyoko re gelepa gore re lukiselele taba yo ya go hlawolega.

RE KA MAKA BYANG GORE DIPELO TSA RUNE RE DI LUKISELELE SEGOPOTSO?

5. (a) Yi re berekela ka matla taba yo ya go lepolliwa, ke ntaba di nyaka re nagane ka yona? (Pisalema 49:7, 8) (b) O tšhutiye ying ga vidiyo ya gore Anthe Jeso o Kgwele Ying?

⁵ Tsela ye nngwana ye kgolo ka matla ya gore dipelo tsa rune re di lukiselele Segopotso ke mo re ka fo nagana ka gore sehlabelo sa Jeso Kreste sa go re lepolla se re gelepa go segela kaye. Rune beng ke mo re ka sa di kgone go titlemolla ga taba ya go sinya le ya likgu. (Bala Pisalema 49:7, 8; lebelela le vidiyo ya gore Anthe Jeso o Kgwele Ying?) a Jehova le Morwayi wage di ba turele ka matla gore yene Jeso a re reke ka lephelo lage. (Mrm. 6:23) Mo re ya mahlong re ghayela ka sehlabelo so Jehova le Jeso ba re makeleng sona, taba yo ya go re lepolla re nyoko napa re yi tseyela gedimo ka matla. Re nyoko bolabola ka dilo tse dingwana tso di tureleng Jehova le Jeso gore taba yo ya go lepolla yi makege. Mara sa mathomo ke so, ga taba yo ya go lepolla go kena le ying?

6. Ga taba yo ya go lepolla go kena le ying?

⁶ Go lepolla kela go tlemolla ke patela yo yi ntshiwang go reka selo sa gore ke mo ba se rekiye. Motho wa mathomo ye ba reng ke Adamo, ke mo a yenele gabutši ho mmeleng nakwela ba sa mo maka. Mo a fetsa go sinya, tsa gore o nyoko phela go ya go yye di napiye di šaša gage le ga bana bage ka mokana ga bona. Jeso ke mo a nyaka go reka selo so se lahliyeng ke Adamo, byalo o yye a neyela ka lephelo lage la go yenela gore go be sehlabelo. Ka moka nako mo Jeso a le ho lefaseng, “a sanka a maka dilo tsa go befa, fote aa bolabola matsaka ka molomo wage.” (1 Pet. 2:22) Mo Jeso a kgwa, lephelo lage la gore le yenele le yye na fo napa le re kwatla ga lephelo la gore ke mo le lahlegele Adamo.—1 Makor. 15:45; 1 Thim. 2:6.

7. Mo Jeso a le ho lefaseng, ke dilo tsa mohlobo mang tsa gore di yye dya mo phika?

⁷ Jeso o yye a fo dula a mo theetsela ga Papage wa legedimong, a go na ga gore o yye a kekemisa le mo a kene a phika ke tsa go tlala nakwela a le ho lefaseng. Nakwela Jeso a sa le ngwananyana, ke mo di nyaka gore a theetsele babelegi bage ba ho lefaseng ba gore ke mo ba sa yenela, mara yene ba mmelegiye a yenele gabutši. (Luka 2:51) Mo a kene a le mošomanyana, di ka makega gore ke mo di le gona tsa go liketsa go mo kgahleletsa gore a sa theetsele kela a sa tshepege. Fote nakwela go šele go le motho ye mogolo, ke mo di nyaka a yeme a tiyye mo Sathane Diyabolo a liketsa go mo fokola, ka gore yenewa le yene ke mo a sa tšebe le go tšeba mo a hlaya gore Jeso a lahle Modimo. (Mat. 4:1-11) Sathane ke mo a tiputsiye gore o nyoko mo sinyisa ga Jeso gore a šašise taba yo ya go lepolla kela go tlemolla batho.

8. Jeso o yye a tiyisela le difeng tse dingwana?

⁸ Mo Jeso a kene a bereka ho lefaseng, o yye a tiyisela le ga tse dingwana tsa go mo liketsa. Ke mo ba mo phigisa ba boya ba ro mo tshepisa likgu. (Luka 4:28, 29; 13:31) Ke mo di nyaka gore a tiyisele malata yage ya gore ke mo ma fela ma kekemisa ka taba la go sa yenela. (Mar. 9:33, 34) Mo ba mo sekisa nakwela ba nyaka go mmolaya,  ba yye ba mo hlupegisa ba boya ba ro mo poyilanya. Ba yye ba šinya ba mmolaya tse dingwana tsa lešidi le tsa go tšebisa. (Maheb. 12:1-3) Tsa mafelelo tsa go mo liketsa ke mo di nyaka a di tiyisele a ntoši, a sa pasopa ke Jehova. b—Mat. 27:46.

9. Rune re fo re king ka sehlabelo sa Jeso? (1 Petro 1:8)

⁹ Di fo ba lekgwaying gore Jeso o kwile go baba ka matla gore a thogo re lepolla. Ayitsano a re kwi re mo nyaka ka matla ga Jeso mo re nagana ka mokgo a yyeng a tikemisela go tikona tsa go tlala ka taba la rune?—Bala 1 Petro 1:8.

10. Di nyakiye gore Jehova a make ying gore tso tsa go lepolla di kgonege?

¹⁰ Jehova yene gee? King sa gore o yye a tikemisela go tikona sona gore Jeso a thogo re lepolla? Jehova le Jeso ba kwana ka matla go phala bopapa le barwayi ba bangwana le ba bangwana bo o ba tšibang. (Diy. 8:30) O fo nagana nje gore ga Jehova di mo makiye ying mo a kene a libelele Jeso mo a feta ga tsa go tlala tsa go mo phika mo a le ho lefaseng. Di fo ba lekgwaying gore Jehova ke mo a kwa go baba la go sa hlayisege mo a kene a libelele Morwayi wage ba mo maka lešidi, ba sa yi kene yage ba boya ba mo hlupegisa.

11. Re beyisele sa go šupetsa ka mokgo Jehova a ka fo bang a yye a tikwa ka gona mo ba bolaya Jeso.

¹¹ Mmelegi wa gore o yye a hlokofalela ke ngwana wa di tšiba tsa gore go baba la go sa hlayisege mo motho a tlela ke tsa mohlobo wonone. Re dumela re sa kamake gore bo ba hlokofeleng ba nyoko tsoga, mara mo motho wa thina a timela, dya baba ye barena. Taba yo yi fo re gelepa go kwisisa gore Jehova a ka fo ba a yye a tikwa ka mokgwa mang ka letšatši lela la mo mehlare yi thomisa go hluga ka 33 C.E. mo a libelele ba hlupegisa Morwayi wage wa gore o kwana naye stereka ba boya ba mmolaya. c—Mat. 3:17.

12. Re ka maka ying mo Segopotso se kene se šutela?

¹² Go tlugisela gana byalo go segela ka nako ya Segopotso, ke ntaba o sa fo thomisa go titšhutisa kela go maka Morapelo wa Mutši wa go bolabola ka taba ya go lepolla? Berekisa Research Guide for Jehovah’s Witnesses (mo nkare le nayo ka mmolabolo wa lune) kela dilo tse dingwana tsa go re gelepa go tšhuta Bhayibele gore o thogo kenelela mo o nyakolla taba yo. d Fote, karakara gore o latelele letheto la go bala Bhayibele la gore le ga Sepukwane sa Mogahlano wa Maphelelo le Matšhomayelelo ya Rune ya Sekreste. Ke mokane ka letšatši la Segopotso, o sa lebale go lebelela  letheto la go hlawolega la Morapelo wa ka Bošego. Mo rune beng re di lukisela Segopotso dipelo tso tsa rune, re ko ba re yemme gabutši gore re thogo gelepa ba bangwana gore le bona ba kote se sengwana ga sona.—Ezera 7:10.

GELEPA BA BANGWANA GORE DI BA BEREKELE

13. Re ka thomisa kaye mo re nyaka go thuša ba bangwana gore ba kwe Segopotso se ba berekela?

¹³ Re ka ba gelepa ka mokgwa mang ba bangwana gore Segopotso se ba berekele? Mong taba ya mathomo ke go ba bitsa gore ba tle. Akere go na le bo re gahlanang nabo tšhomong, mara go tokegela gana hone, re ka maka le letheto la ba bangwana ba gore re nyaka go ba bitsa. Gana hone go ka kena le bo re dulang nabo ka ho mutšing, mašaga, bo re berekang nabo, bo re kenang nabo sekolo le ba bangwana. Le mo re ka fo ba re se na dimemo tsa go tlala tsa gore ba di phrinthiye, re ka fo romela motho linki ka fowunu. Aritši go ko segela ka bakaye!—Mmo. 11:6.

14. Re beyisele gore ke ntaba go le kawone go ro botsa motho ka boyene gore a tle.

¹⁴ O sa yi tseyele fase taba ya go ro mema motho ka bowene beng. Tšatši le lengwana, mogageru ye mongwana wa mosadi wa gore o dula ga mutši wa gore sedumedi sa bona a se tshwane ke mo a makele mo monnage a mmotsa gore o kene o lukiselela go ya naye Segopotsong. Ke mo a makatsiye king? Ke mo a mo memme gatleletlele ku botala, mara a fo teya fase. Gana byalo ke mo go rorebeng? Monna yewa o yitseri, “Ba ro mpitsa nna beng ba re ke tle,” ke mokane a hlatolla gore o memme ke mogolo wa phutego ya gana hone wa gore ke mo a mo tlwayele. Monna yewa o tlile ka mongwaga wonone a boya a tla gatleletlele le ka mengwaga ya go tlala ya go latela.

15. King sa gore a di nyake re se lebala mo re bitsa batho gore ba tle Segopotsong?

¹⁵ O sa lebale gore bo re ba memang ba ka fo ba ba na le diputsiso—ka matlamatla mo nkare go ro ba mong la mathomo ba segela ga megahlano ya rune. Di gabutši gore re nagane gore ba ka fo butsisa ying ke mokane re lukiselele go ba fetola. (Makol. 4:6) Mo re beyisa, ba bangwana ba ka fo tiputsisa gore: ‘Go nyoko ba go makega ying gana hala?’ ‘Taba ya gona yi nyoko  lefa go segela kaye?’ ‘Di nyaka re yapara byang?’ ‘Ke bokaye go kena?’ ‘Ayitsano go nyoko ba le dikoleke?’ Mo re mema motho gore a tle Segopotsong, re ka fo mmutsisa gore, “Ayitsano o na le diputsiso?” ke mokane re mo fetolele diputsiso tso a ka fo bang a le natso. Mo re liketsa go gelepa motho go kwisisa gore megahlano re yi sipidisa ka mokgwa mang, re ka berekisa le vidiyo ya Gopola Likgu la Jeso le ya gore Go Makega Ying ka Holong ya Mmušo? Go na le ditaba tsa gabutši tso re ka mmotsang tsona tsa go tšwa ga setšhuto 28 sa puku ya Tikwise ka Lephelo go ya go Yye!

16. Bo ba gore ba nyoko tla Segopotsong ba ka fo šala ba na le diputsiso difeng?

¹⁶ Bo ba gore ba jabolela ditaba tso ba ka fo ba ba na le diputsiso tse dingwana mo ba šele ba buyye Segopotsong. O ka kraya ba tiputsisa gore ke ntaba ba go ja sekgwa le go nwa wayini ba sa tlala (mo nkare ba gona ba gore ba jile ba boya ba nwa). O ka kraya ba butsisa gore Segopotso re ba naso gakaye. Fote ba ka fo nyaka go tšiba gore ayitsano megahlano ka mokana ga yona ya Dihlatse Tsa Jehova re yi tshwara go tshwana. Le mo ditaba tsowa di ka fo ba di fetolegiye ga polabolo ya Segopotso, batho ba gore ke la mathomo ba segela ba ka fo nyaka o nape o ro kenelela gore o ba yedisele ditaba. Diputsiso tse dingwana tsa bona di ka fetola ke hlogotaba ya gore yi ga jw.org ya gore “Go Re’ng Dihlatse tša Jehofa di Swara Selalelo sa Morena go Fapana le Dikereke tše Dingwe?” Di nyaka re karakare—mo Segopotso se soko segela, ka nako ya sona le mo se šele se fitiye—gore re gelepe ba gore ba ‘tlalele ga tsa gabutši’ gore taba yowa yi ba berekele.—Meber. 13:48.

THUŠA BO BA GORE BAA BATA

17. Bagolo ba ka ba gelepa ka mokgwa mang bo ba gore baa bata? (Hezekiyele 34:12, 16)

¹⁷ Ka nako ya Segopotso, bagolo ba ka ba gelepa ka mokgwa mang bo ba gore baa bata? Ba šupetseneng gore le hlupegiye ka bona. (Bala Hezekiyele 34:12, 16.) Mo Segopotso se soko segela, liketsa go bolabola le ba go tlalanyana ka mokgo o ka kgonang. Ba botse gore o ba nyaka tsa nkare ke moka fote o hlaye gore o nabela go ba gelepa ka mokgo o ka kgonang. Ba bitse gore ba tle Segopotsong. Mo ba ka segela, o ba  yamogele ka matsogo ka mabedi. Mo Segopotso se fitiye, o sa lisetsi go hlola magageru yawa, o ba neye se sengwana le se sengwana so ba se hlokang gore ba thogo sologa ba tle ga Jehova.—1 Pet. 2:25.

18. Rune ka moka re ka ba gelepa byang bo ba gore baa bata? (Maroma 12:10)

¹⁸ Phutego ka mokana ga yona yi ka gelepa bo ba gore baa bata gore ba tle Segopotsong. Yi ka ba gelepa byang? Ba šupetseneng gore le ba nyaka la go sa hlayisege, le ba tshware gabutši le boye le ba hlompe. (Bala Maroma 12:10.) O sa lebale gore dinku tsowa tsa gabutši di ka fo ba di tsere nako di tšhaba go tla mogahlanong wa phutego. Di ka makega gore ke mo ba tšhaba gore batho ba nyoko re king. e Byalo o sa kraye o ba tšhelela maahlo ka go ba butsisa diputsiso tsa go tšebisa kela go hlaya dilo tsa gore di ka fo ba thonoga. (1 Mathes. 5:11) Magageru yawa ke batho bo re leng ga tumelo ka yyoši nabo. Re ka jabola mo ba ka boya re tl’le rapela Modimo re le nabo fote!—Pis. 119:176; Meber. 20:35.

19. Go gopola likgu la Jeso di re gelepa ka ying?

¹⁹ Ayitsano dya makatsa tsa gore Jeso o makiye gore go be le Segopotso sa likgu lage mongwaga wo mongwana le wo mongwana? Mo re se maka, di gelepa rune le ba bangwana ka mekgwa ya go tlala. (Jes. 48:17, 18) Ga Jehova le Jeso re napa re ba nyaka tsela. Re šupetsa gore tso ba re makeleng tsona a re tseye go le tsa go kgana. Re napa re kikitela senghana sa rune le magageru. Fote di ka makega gore re gelepe ba bangwana gore le bona ba tšhute ka mokgo ba ka tlang ba rufega ka gona ka taba la tso di makiyeng ke go lepolla. Byalo, tla re karakareneng gore re tilukiselele Segopotso sa mongwago—ke lona letšatši la go ma phala ka mokana ga wona mo mongwageng!