Congregacionans asambleanakans walja jilat kullakanakampiw Jehová Diosar adortanjja. Sapakis familiasampis uk luraraktanwa. Ukatakejj kunanaks lursna uk jichhajj uñjañäni:

• Tantachäwin yatjjataskani ukwa yatjjatsna. Cancionanak ensaysna, tantachäwin comentañatakiw familiamp wakichtʼassna.

• Bibliankir mä sarnaqäwi liytʼsna. Ukatjja kuntï liytʼktan ukarjamaw dibujsna jan ukajj kuntï yateqktan ukwa qellqtʼassna.

• Kunjamsa Diosan mä serviripajj orasïna ukwa yatjjatsna. Kunjamsa ukajj oracionanakas mejorañatak yanaptʼistaspa ukwa amuytʼaraksna.

• Mä video jw.org cheqan uñtsna. Familiampiw ukat parlakiptʼsna jan ukajj kunatï wal gustawaykistu ukwa qellqtʼasiraksna.

• Predicañatakiw wakichtʼassna. Kunsa sañäni ukwa ensaytʼaraksna.

• Jehová Diosan luratanakap uñjañäni, kunsa ukajj jupat yatichistu ukwa amuytʼaraksna. Familiampïkasaw uka toqet parltʼaraksna. a