Dang holan tikki rap dohot halak na asing hita boi manomba Jahowa. Misalna tikki marpungu, di parpunguan wilayah, dohot parpunguan regional. Alai boi do tong hita manomba Jahowa tikki pelajaran pribadi manang tikki ibadat keluarga. On ma piga-piga saran na boi dicoba hamu:

• Persiappon ma akka na lao dibahas di parpunguan. Boi do hamu marsiajar marende manang mangurupi anggota keluargamuna paradehon komentarna.

• Manjaha sada cerita di Bibel. Dung i, bahen ma gambar taringot cerita na adong disi. Manang suratton ma na boi diparsiajari hamu sian cerita i.

• Manjaha akka tangiang na adong di Bibel. Dung i, pikkirhon manang bahas ma na boi diparsiajari hamu sian akka tangiang i asa lam denggan tangiangmuna.

• Manonton akka videota. Dung i, bahas ma video i dohot keluargamuna manang parsiajaran aha do na dapotmuna sian video i.

• Persiappon ma topik na lao tapaboa tikki marbarita. Dung i, bahen ma sesi latihan.

• Mamparsiajari akka toppaan ni Jahowa. Dung i, pikkirhon manang bahas ma na boi diparsiajari hamu taringot Jahowa sian akka toppaanna. a