Tulapepa Yehova ilyo twalongana pamo ukulongana kwa cilonganino, ukwa muputule, ukwa citungu, na lintu tukwata isambililo lya pa lwesu e lyo na mapepo ya lupwa. Fimo ifyo mwingabomfya pe sambililo lya pa lwenu e lyo na pa mapepo ya lupwa ni ifi:

• Kuti mwapekanya ukulongana. Kuti mwaimbako ne nyimbo muli no kwimba pa kulongana e lyo no kwafwa bonse mu lupwa ukupekanya ukwasukapo pa kulongana

• Kuti mwabelenga pe lyashi limo ilyaba mu Baibo. Pa numa kuti mwalengako fimo pa fyo mwacibelenga nelyo ukulemba ifyo musambilile pa fyo mwacibelenga.

• Kuti mwabelenga pa mapepo ayalembwa mu Baibo, e lyo no kulanshanya pa fyo mwingabomfya ifyo mwabelenga pa kuti mulepepa amapepo ayasuma.

• Kuti mwatamba vidio yaba pa jw.org e lyo mwalanshanya ifyo mwatamba, nelyo ukulemba ifyebo mwacitemwa pa fyo mwacitamba.

• Kuti mwapekanya ifya kuyabomba bwino umulimo wa kubila imbila nsuma, nalimo kuti mwapanga ne filangililo pa fya kucita pa kubila bwino imbila nsuma.

• Kuti mwatamba ifyo Lesa abumba no kutontonkanya sana pa fyo mulesambililako, nelyo ukulanshanya pa fyo filemusambilisha pali Yehova. a