Ane ô va’a na bia kañe Yehôva nsamba a bôte bevok bisulan, bitôkan, a beta bitôkan, ve bia kañe fe nye éyoñe bi ne étame nge ki a nda bôte jangan. Tame yene mam ô ne yé’é éyoñe wo bo ayé’é étame dôé nge ki ayé’é ya nda bôte dôé:

• Kômesa’ane bisulan. Ô ne yé’é ane ba yia bia ya Éjôé a volô ébu’a ése ya nda bôte jôé na é kômesan éyalan é ne ve ésulan.

• Lañe’e nkañete éziñe ya Kalate Zambe. Mvuse ya valé, kañe’e bive’ela ya mame méziñe me nga bobane été, tili’i mame méziñe me nga nambe wo ayé’é étame dôé nge ki ayé’é ya nda bôt.

• Tuka’a yé’é meye’elane méziñe wo te lañe Kalate Zambe, a jeñe aval avé ô ne bo na meye’elane môé me tu’a bo abeñ.

• Yene’e vidéo éziñe ya jw.org, mvuse ya valé jeña’ané miñye’elane mi ne nyoñ vidéo ate nsamba, nge ki tili’i mame méziñe ma te nambe wo vidéo ate afep.

• Kômesa’ane minkañete, éko éziñe mi ne jeñe na mi bo mi bo’o bone besisia asu na mi tabe nkômesan asu ésaé nkañete.

• Fomba’ané bitétéa a jeña’ané na mi yene jé bitétéa bite bia ye’ele mia a lat a Yéhôva. a