Ami mittingent, zomatint ani odhivexonanich nhoi, punn svota ani famili sangata pasun ami Jehovachi bhokti kortat. Tor svotacho obheas ani kuttumbik bhokti kortana ami kitem korunk zata?

• Mittinge pasot toiari korat. Oxem kortana tumi gitam practice korunk zatat, ani familintlea dor eklean ek tori zobab diunk toiari korunk zata.

• Bible-antli ek ghoddnni vachat. Uprant tea vixim ek chitr kaddat vo tantuntlean tumi kitem xiklim tem boroiat.

• Adlea kallantlea munxamnim kelʼlim magnnim Bible-ant boroun dovorlolim asat. Tor tim vachat ani tumchim magnnim anik borim zaunk tumi kitem korunk zata tem uloiat.

• jw.org-antlo ek video polloiat ani tacher bhasabhas korat, vo tantuntlem tumkam kitem avoddlem tea vixim ek peregraf boroiat.

• Tumi porgottnni koxi kortolim tem practice korat.

• Rochnna polloiat ani tacher niall korat vo tumi tantuntlean Jehova vixim kitem xiklim tem eka-meka lagim uloiat. a