Mí nọ sẹ̀n Jehovah, e ma yin to pipli daho lẹ mẹ taidi to opli mítọn lẹ, plidopọ lẹdo tọn po plidopọ daho lẹ po ji kẹdẹ gba, amọ́ to tito mẹdetiti tọn po whẹndo tọn de po whenu ga. Ayinamẹ delẹ die he a gán yizan na oplọn mẹdetiti tọn towe po sinsẹ̀n-bibasi whẹndo tọn po:

• Wleawuna opli agun tọn lẹ. A sọgan basi tito nado nọ plọn ohàn lẹ bo gọalọna hagbẹ whẹndo lọ tọn lẹpo nado wleawuna gblọndo de.

• Hia otàn Biblu tọn de. Enẹgodo, a sọgan de yẹdide nujijọ he to otàn lọ mẹ tọn de kavi kàn nuhe a plọn sọn e mẹ de dai.

• Gbadopọnna odẹ̀ he mẹde hò to Biblu mẹ, bo lẹnnupọndo lehe enẹ gán gọalọna we nado hẹn odẹ̀ towe lẹ pọnte dogọ do ji.

• Pọ́n video yẹwhehọluduta tọn de, enẹgodo dọhodeji hẹ mẹdevo lẹ kavi kàn nuhe a plọn sọn e mẹ lẹ dai.

• Wleawuna lizọnyizọn lọ, vlavo bo tlẹ basi zepọ́n nuzedonukọnnamẹ delẹ tọn.

• Pọ́n nudida lẹ bo lẹnayihamẹpọn do yé ji, kavi dọhodo nuhe yé plọn we gando Jehovah go ji. a