Eṱe tu rikotamena ku Jehova indu tji twa worongana pamwe pozombongarero zombongo, pomaworonganeno worukondwa na wotukondwa, nu wina kourike wetu notjeṱunḓu. Imbi oviṋa tjiva ove mo yenene okutjita momakonḓononeno woye nomerikotameneno weṱunḓu:

• Rirongerisira ozombongarero zombongo. Ove wina mo yenene okurihonga omaimburiro nokuvatera avehe meṱunḓu okurirongerisa eziriro.

• Lesa ehungi rOmbeibela. Okuzambo, perenda otjiperendero ohunga notjitjitwa mehungi ndo, poo tjanga otjiṋa tji we rihongo.

• Lesa ongumbiro mOmbeibela, nu okuzambo ripura nomuano mu mai yenene okukuvatera mozongumbiro zoye.

• Tarera okavidio ko jw.org. Okuzambo u hungirire ko ku na varwe, poo u tjange imbi mbi we rihongo okuza kokavidio ngo.

• Rirongerisira otjiungura tjokuzuvarisa. Mape ya okaṋepo kemwe keṱunḓu ake tjiti tjimuna omundu ove ku mo zuvarisa.

• Tara koviutwa nu ripurire ko oukoto poo u hungirire ko ku imbi mbi mavi ku hongo ohunga na Jehova. a