Tũthathayagia Jehova tũrĩ gĩkundi, ta rĩrĩa tũrĩ mĩcemanio-inĩ na igomano-inĩ, na tũrĩ mũndũ kĩũmbe kana na famĩlĩ citũ. Maya nĩ maũndũ mamwe ũngĩka hĩndĩ ya wĩruti waku kĩũmbe kana hĩndĩ ya ũthathaiya wa famĩlĩ:

• Haarĩriai mĩcemanio ya kĩũngano. No mwĩrute nginya nyĩmbo, na mũteithie andũ othe thĩinĩ wa famĩlĩ kũhaarĩria macokio ma kũruta hĩndĩ ya mĩcemanio.

• Thomai gĩcunjĩ kĩa Bibilia. Thutha ũcio no mũcore mbica ĩgiĩ ũndũ ũrĩa mwathoma kana mwandĩke ũndũ ũrĩa mweruta.

• Thuthuriai ihoya rĩmwe rĩrĩ Bibilia-inĩ, na mwarĩrĩrie ũrĩa rĩngĩmũteithia kwagagĩria mahoya manyu.

• Mwĩrorerei video ĩmwe ya ithondeka mũcoke mũmĩarĩrĩrie kana mwandĩke ũndũ ũrĩa mweruta kuumana nayo.

• Mwĩhaarĩriei nĩ ũndũ wa ũtungata, na mwĩmenyerie ũrĩa mũngiuga.

• Mwĩrorerei ũũmbi na mwĩcũranie ũhoro waguo kana mwarĩrĩrie maũndũ marĩa mũreruta igũrũ rĩgiĩ Jehova. a