Etu tubheza Jihova kana ngo ni jiphange jetu mu yonge mu kilunga, mu yonge ya ilunga, ni mu yonge ya makota, maji we tudilonga ubheka ni kumoxi ni miji yetu. Tala o jindunge jitena ku kukwatekesa mu kudilonga ubheka ni mu ubhezelu ku mwiji:

• Dipelepalale phala o yonge ya kilunga. Utena we kudilonga kwimba o mimbu yetu ni kukwatekesa oso ku mwiji kupelepalala kitambwijilu phala kukibhana mu kyonge.

• Tanga musoso mu Bibidya. Mu kusuluka, bhanga fikula yalungu ni ima iwatange mu musoso mba soneka o kima kiwadilongo.

• Tonginina musambu wosoneke mu Bibidya, anga uxinganeka kyebhi o musambu yu utena ku kukwatekesa kufwamesa dingi o misambu ye.

• Tala vidyu mu sayte yetu jw.org, mu kusuluka zwela ni akwenu yalungu ni vidyu mba soneka o mbote iwakatula.

• Dipelepalale phala kuboka. Nange mutena kubhanga kifika, muthu umoxi ku mwiji ukala o mukwa dibhata anga eye ukala o muboki.

• Tala o ibhangelu ya Jihova ni uxinganeke mba sota kumona se yene ikulonga ihi yalungu ni Jihova. a