Lulapelanga Jehova halukopani hamoho ni mizwale ni likaizeli baluna kwa mikopano ya puteho, ya mupotoloho, ni yemituna, kono hape luezanga cwalo ka butu kamba sina mabasi. Ki ze liakalezo za lika zemukona kunyakisisa hamueza tuto ya ka butu kamba hamulapela sina lubasi:

• Muitukiseze mikopano ya puteho. Mwakona kuopela lipina zekayo opelwa kwa mukopano, ni kutusa ba mwa lubasi kaufelaa kuitukiseza kuyo alaba.

• Mubale taba yeñwi ya mwa Bibele. Hasamulaho, muswanise siswaniso sesibonisa nto yeñwi yemubalile kamba muñole zemuitutile.

• Mubale tapelo yeñwi mwa Bibele, mi munyakisise moikona kumituseza kubolosola litapelo zamina.

• Mubuhe vidio ya fa jw.org, mi muikambote ni babañwi zemuitutile mwa vidio yeo kamba muñole zemuitebuhile mwa vidio yeo.

• Muitukiseze kukutaza, mwendi mwakona kueza inge kuli mu mwa bukombwa luli.

• Mutalimisise lika zebupilwe mi munahanisise kamba kunyakisisa zemuituta ka za Jehova kwa lika zeo. a