CHUMA NACHIMIKAFWA HAKULINANGULA
Chuma Nachimikafwa Hakulinangula
Tweji kulemesanga Yehova mwalizavu hakukunguluka chachikungulwilo, nachachihanda, nachangalila, kaha nawa tweji kumulemesanga hauka namwatanga. Talenu vyuma munahase kulinga hachilongesa chauka nahakulemesa Kalunga mwatanga:
-
Hitulukenu vyakukunguluka chachikungulwilo. Munahase nawa kulijilisa myaso nakukafwa vatu vosena mutanga valiwahise vyakukakumbululaho.
-
Tangenu mujimbu wamuMbimbiliya. Kufumaho funjikenu muvwimbimbi wavyuma vyasolokele muvyuma munatange, chipwe sonekenu vyuma vimwe munalinangula.
-
Kekesenu kulomba chimwe chamuMbimbiliya nakushimutwila omwo munahase kulingisa kulomba chenu chipwenga chamwenemwene.
-
Talenu vindiyo yamuliuka lyetu nakushimutwila navakwenu vyuma munatale chipwe kusoneka vishina munalinangula.
-
Wahisenu vyuma namukashimutwila muwande. Chakutalilaho munahase kulinga chimweso chakusolola vyuma namukahanjika muwande.
-
Talenu vyuma vyakutenga nakushinganyeka chipwe kushimutwila vyuma munalinangula hali Yehova. a
a Talenu chihande chakwamba ngwavo, “Linangulenu Vyavivulu Hali Yehova Kuhichila muVyuma Atenga” chize chili muKaposhi Kakutalila waMarch 2023.