Jejjab baj kabuñ wõt ñan Jeova ãinwõt juon kumi ilo iien kweilo̦k ko ad im kweilo̦k ko rel̦l̦ap, ak jej bar kabuñ ñane ippãd make im bareinwõt ippãn baam̦le ko ad. Erkein ej jet iaan men ko kwõmaroñ l̦õmn̦ak kaki ñe kwõj katak ippam̦ make im ñe kwõj kõm̦m̦ane iien kabuñ an baam̦le:

• Kõppojakl̦o̦k im̦aan ñan iien kweilo̦k ko an eklejia. Kwõmaroñ kitibuj am̦ kõmmãlmeli al in kweilo̦k ko im jipañ aolep ro ilo baam̦le eo am̦ ñan kõpooj juon aer uwaak.

• Riiti juon bwebwenato ilo Baibõl̦. Ãlikin am̦ riit, jiñaiki juon pija in juon men ear wal̦o̦k ilo bwebwenato eo ak kwõmaroñ je juon men kwaar katak jãne.

• Katak kõn juon jar me epãd ilo Baibõl̦, im l̦õmn̦ak kõn wãween an jar in maroñ jipañ eok ñan kakõm̦anm̦anl̦o̦k jar ko am̦.

• Alwõje juon pija jãn jw.org innem bwebwenato kake pija in ippãn ro jet ak kwõmaroñ je juon men me kwaar katak kake jãn pija eo.

• Kõppojakl̦o̦k im̦aan ñan jerbalin kwal̦o̦k naan. Bõlen juon iaan ro ilo baam̦le eo am̦ emaroñ ãinwõt armej eo kwõj kwal̦o̦k naan ñane im kwõmaroñ kõmmãlmel ta eo kokõn̦aan ba ñane.

• Lali menin kõm̦anm̦an ko im kõl̦mãnl̦o̦kjen̦ kaki ak kõnono ippãn baam̦le eo am̦ kõn ta ko men kein rej katakin eok kõn Jeova. a