Sikhonza uJehova siliqembu emihlanganweni yebandla, eyesiqinti leyesabelo. Kodwa kulokunye okuphathelane lokukhonza esikwenza sisodwa kumbe siyimuli. Nanku okunye ongakwenza nxa utaditsha uwedwa kumbe ekukhonzeni kwemuli:

• Lungiselelani imihlangano yebandla. Lingaphrakthiza lengoma ezizahlatshelwa kumbe lincedisane ukulungiselela izimpendulo.

• Balani indaba eseBhayibhilini. Ngemva kwalokho lingadweba okwenzakalayo endabeni eliyibalileyo kumbe libhale elikufundileyo.

• Lingahlolisisa omunye umthandazo oseBhayibhilini beselixoxa ngokuthi ungalinceda njani ukuthi lithuthukise imithandazo yenu.

• Bukelani ividiyo eku-jw.org beselixoxa ngayo kumbe libhale elikufundileyo kuyo.

• Lingalungiselela ingxoxo elingazisebenzisa ekutshumayeleni beseliziphrakthiza.

• Buka izinto ezidaliweyo ubusucabangisisa ngazo kumbe uxoxele abanye ukuthi zikufundisani ngoJehova. a