Hiyaano ninnamulapela Yehova ohiya pahiru mu mithukumano sahu sa muloko, sa ikulucu ni sa muceche, nyenya tho mu yoohuserya ya muchu mukhateiye ni malapelo a echoko. Sookhalavo miyaha mikina seiho munaphwanelaanyu othokororya mu yoohuserya anyu ya muchu mukhateiye naari mmalapelo anyu a echoko:

• Mwiirehereryeke ntakhara mithukumano sa muloko. Munanwerya ohuserya macipo ni waakhaviherya oothene a veechokoni orehererya naakhulo.

• Mwaalakhanye yaweereya ya Mpiipiliyani. Voocharela, muupuwelele yaweereya yeeyo nave murepele yeeyo muhusenryaanyu.

• Muupuwelele nivekelo nnaphwanyeya Mpiipiliyani, nave muthokororye mukhalelo nlo nneeraaya nookhaviheryeeni orehererya mavekelo anyu.

• Moone exilema mu jw.org, nave voocharela muthokororye ni achu akina naari murepele vooloca sa yeeyo.

• Mwiirehererye ntakhara muteko woolaleerya, akhweya mmoha a veechoko onanwerya okhala ntoko mwaneene a vaate nave mwiikhovelelihe ni yeeyo munahaalaanyu oloca.

• Mvarerye soopatuxiwa nave muupuwelele naari mvaanele sa yeeyo munahuseryaanyu vooloca sa Yehova. a