Ga re tumiše Jehofa feela ge re le dibokeng le dikopanong eupša re ka mo tumiša le ge re le noši goba re le lapa. Ka mo tlase go bolelwa ka dilo tšeo le ka di dirago borapeding bja lapa goba tšeo o ka di dirago nakong ya thuto ya motho ka noši:

• Go lokišetša diboka. Le ka itlwaetša go opela le go thuša bohle ka lapeng go lokišetša dikarabo.

• Go bala pego ya Beibele. Ka morago ga moo, le ka thala seswantšho sa seo go balwago ka sona goba la ngwala seo le ithutilego sona.

• Hlahlobang thapelo yeo e hweditšwego ka Beibeleng ke moka le boledišane kamoo e ka le thušago go kaonefatša dithapelo tša lena.

• Bogelang bidio yeo e lego go jw.org/nso gomme le boledišane ka yona goba le ngwale serapa ka seo le ithutilego sona bidiong yeo.

• Le ka itokišeletša go ya tšhemong mohlomongwe ka go itlwaetša kamoo le ka boledišanago le batho ka gona.

• Lebelelang tlholo gomme le naganišiše ka yona goba le boledišane ka seo e le rutago sona ka Jehofa. a