اَسی نہ صرف اپنی عبادت‌گاہ چ تے کنونشناں تے یہوواہ دی عبادت کرنے آں سگوں اَسی ذاتی طور تے نالے خاندان دے طور تے مل کے وی یہوواہ دی عبادت کرنے آں۔ آؤ ذاتی مطالعیا تے خاندانی عبادت کرن لئی کجھ مشوریاں تے غور کریئے:‏

• عبادتاں دی تیاری کرو۔ ایہدے چ تُسی گیتاں دی مشق وی کر سکدے او تے اپنے گھر والیاں دی مدد کر سکدے او کہ اوہ کوئی نہ کوئی جواب تیار کرن۔‏

• بائبل دا کوئی واقعہ پڑھو۔ ایہدے بعد اوہدی تصویر بناؤ تے اوہناں گلاں نُوں لکھو جیہڑیاں تُسی اوس واقعے توں سکھیاں نیں۔‏

• بائبل چ لکھی کسے دُعا دا مطالعیا کرو تے فیر سوچو کہ اوہدے ذریعے تُسی اپنیاں دُعاواں نُوں کیویں بہتر بنا سکدے او۔‏

• ساڈی ویب‌سائٹ jw.org توں کسے ویڈیو نُوں ویکھو تے ایہدے بارے آپس چ گل بات کرو یاں فیر لکھو کہ تُسی ایس ویڈیو توں کیہہ کجھ سکھیا اے۔‏

• مُنادی دی تیاری کرو۔ ایہدے چ تُسی لوکاں نال گل بات کرن دی مشق وی کر سکدے او۔‏

• یہوواہ دِیاں بنائیاں ہوئیاں چیزاں تے سوچ وچار کرو یاں آپس چ گل بات کرو کہ تُسی ایہناں توں یہوواہ بارے کیہہ سکھدے او۔‏ a