Jehovataqa ashkha hermanoswan yupaychanchej tantakuykunasninchejpi, asambleasninchejpipis. Chantá yupaychallanchejtaj sapallanchejpi, familiapipis. Kaypi wakin yuyaychaykuna kashan sapallanchejpi, familianchejwanpis estudianapaj.

• Imatachus reunionpi ukhunchakonqa chayta estudiana. Chantapis takiykunasta ensayasunman, khuskataj reunionpi comentanapaj wakichikusunman.

• Bibliapi pillamantapis leerina. Chaymantataj leesqanchejman jina dibujasunman, chayri imatachus yachakusqanchejta anotakusunman.

• Bibliapi Diospa ujnin kamachinpa mañakuyninmanta estudiana. Chantá tʼukurina imatachus paymanta yachakusqanchejpi. Ajinamanta aswan sumajta orakunanchejpaj.

• Jw.org paginamanta uj videota qhawarisunman. Chantá chaymanta familianchejwan parlarisunman, chayri imachus gustawasqanchejta anotakusunman.

• Predicanapaj wakichikusunman. Imatachus ninanchejta ensayasunman.

• Diospa ruwasqasninta qhawarina, chantá tʼukurina imatachus Jehovamanta yachachiwasqanchejpi. Familianchejwan kashanchej chayqa, parlarisunman imatachus noqanchej chaymanta yachakusqanchejta. a