Jehovatami aduranchi reuniuncunacho y asambleacunacho hermanunchicunawan caycar. Jina japalanchi caycar o familianchiwanpis paytaga aduranchimi. ¿Imacunapitataj yachacunquiman japalayqui caycar o familiayquiwanpis Diosta adurashgayqui hora?

• Reuniuncho imacunapita yachacunapaj cajcunata preparacushwan. Cantanapaj canciuncunata practicashwan y reuniuncho imata comentamunapaj cajtapis.

• Bibliapita maygan wilacuylatapis leishwan. Y chaycho yachacushganchipita dibujashwan o guelgashwanpis.

• Juc Diospa sirvejnin mañacushganpita yachacushwan. Yarpachacushun imano shumajyächinapaj mañacushganchita.

• Videutapis ricashun jw.org paginapita. Nircur familianchiwan parlapacushun ricashganchipita y guelgashwanpis ima gustamashganchipita.

• Runacunata yachachicunapaj preparacushwan. Cutin cutin yachacushwan imata ninapaj cajta.

• Dios camashgancunata ricaycur yarpachacushwan imataj Jehovapita yachacushganchita. Familianchiwan caycarga, parlapacushun imata yachacushganchita. a