Re ithuta ka Jehofa fa re le kwa dipokanong le kwa dikopanong. Gape re dira jalo fa re le nosi kgotsa re na le ba malapa a rona. O ka dirisa dikakantsho tseno:

• Lo ka baakanyetsa dipokano. Gape lo ka opela dipina le go thusa ba bangwe mo lelapeng go baakanyetsa gore ba tla araba jang.

• Lo ka bala pego nngwe mo Baebeleng. Go tswa foo, lo bo lo torowa se se diragetseng mo pegong eo kgotsa lwa kwala se lo se ithutileng.

• Lo ka bala thapelo nngwe mo Baebeleng lo bo lo leka go bona gore e ka lo thusa jang go tokafatsa dithapelo tsa lona.

• Lo ka lebelela bidio nngwe mo jw.org, go tswa foo lo bo lo tlotla ka yone kgotsa lo kwala se lo se ratileng mo go yone.

• Lo ka ikatisa gore lo tla reng kwa bodireding.

• Lo ka leba popo lo bo lo akanyetsa kwa teng kgotsa lo tlotla ka gore e lo ruta eng ka Jehofa. a