IA MAITAI ATU Â TA TATOU HAAPIIRAA
Manaˈo no ta outou haapiiraa e haamoriraa utuafare
Eita tatou e haamori noa ia Iehova i te mau putuputuraa e tairururaa, i roto atoa râ i te utuafare. Teie te tahi mau manaˈo tauturu no ta outou iho haapiiraa Bibilia e no te haamoriraa utuafare:
-
A faaineine i te mau putuputuraa. E nehenehe outou e faaineine i te mau himene no te putuputuraa e e tauturu i te mero tataitahi o te utuafare ia faaineine i te tahi pahonoraa.
-
A taio i te mau aamu Bibilia. A hamani i te hohoˈa o te hoê tupuraa i roto i tera aamu aore ra a papai eaha ta oe i haapii mai.
-
A hiˈopoa i te hoê pure i roto i te Bibilia e a tauaparau e nafea te reira e tauturu ai ia outou ia haamaitai atu â i ta outou mau pure.
-
A mataitai e a aparau no nia i te hoê video a te faanahonahoraa aore ra a papai i to oe manaˈo no nia i te reira.
-
A faaineine no te pororaa, peneiaˈe ma te hauti roa i te hoê tupuraa farereihia i roto i te pororaa.
-
A hiˈopoa e a feruri i te mau mea poietehia, oia atoa eaha ta te reira e haapii mai no nia ia Iehova. a
a A hiˈo i te tumu parau “A haapii atu â no nia ia Iehova na roto i ta ˈna poieteraa” i roto i Te Pare Tiairaa no Mati 2023.