Rony adorarno Jehová né xidal herman, lainy congregación né ló samblia. Per láaca ronyno láani toibno né láaca né xfamilno. Reʼ sieed tipnés cós ni labúu guisuidyno órni guisuidyno toibno né órni guienno Dios xomod famil:

• Guisuidyno ni tudy ló reunión. Láaca labúu gony ensayarno canción né guisuidyno xquiichno toibsi par gony comentarno ló reunión.

• Golno tipnés historias ni sieed ló la Biblia. De ngú, labúu cueʼno dibuj ni bioladxno de historiacu o guicaʼno ni bisuidyno.

• Guisuidyno toibtica oración ni buny tipnés xpiin Jehová ni ritlaa ló la Biblia. Gonyno pensary ximod labúu gacnéni lóono par gonyno oración xtunyno más galán.

• Guibiʼno toib video ni sieed ló jw.org. De ngú labúu gooyno xtiitzni né xfamilno o guicaʼno ló guiich ni bioladxno.

• Guisuidyno xquiichno par tzoʼno yoʼ por yoʼ. Labúu gony ensayarno xi guinino.

• Guibiʼtzayno guirá ni goyaʼ né gonyno pensary ló ni rasuidyni lóono de Jehová. Pal noʼno né xfamilno, guinino xi láani bisuidyno. a