Asigcini nje ngokukhonza uJehova lapho sinabanye emihlanganweni yebandla, emihlanganweni emincane nemikhulu, kodwa simkhonza nalapho sisodwa nalapho sinemindeni yethu. Nawa amanye amacebiso ongawasebenzisa esifundweni somuntu siqu nasekukhulekeleni komndeni:

• Lungiselela imihlangano yebandla. Ungaprakthiza izingoma usize nabo bonke ekhaya balungiselele izimpendulo zabo.

• Funda indaba eseBhayibhelini. Ngemva kwalokho, dweba isithombe sento ethile kulokho obukufunda noma ubhale phansi okufundile.

• Funda umthandazo othile otholakala eBhayibhelini, bese ucabanga ngokuthi ungakusiza kanjani uthuthukise imithandazo yakho.

• Bukela ividiyo yenhlangano bese uxoxa ngayo nabanye noma ubhale phansi okuthandile kuyo.

• Lungiselela inkonzo yasensimini, mhlawumbe uprakthize lokho ozokusho.

• Bukisisa indalo, uzindle ngayo noma uxoxe nabanye ngokuthi ikufundisani ngoJehova. a