1. Ke leng ga gore bo ba go tlotsiwa ba nyoko ba ba le ka mokana ga bona legedimong?

 GA MENGWAGA ya ku botala, batho ba Jehova ke mo ba kene ba tiputsisa gore, ‘Wa mafelelo ga Makreste ya go tlotsiwa o nyoko ya leng legedimong?’ Ke mo re re di ka makega ba bangwana ga bo ba gore ba tlotsiwwe ba be ga lefase la Pharadeyisi ka nthagonyana ga ntwa ya Aremaghedoni. Mara re tšhutiye ga Sewokamelo sa July 15, 2013 gore ka mokana ga bona bo ba go tlotsiwa ba gore ba nyoko ba ba sa le ho lefaseng ba nyoko ya legedimong go soko thomisa ntwa ya Aremaghedoni.—Mat. 24:31.

2. Go ka ba le putsiso yifeng fote re nyoko petapeta ka ying ga hlogotaba yowa?

² Mara putsiso yi ka fo nyarela ya gore: Go nyoko makega ying ka bo ba gore ke “dinku tse dingwana” tsa Kreste ba gore ke mo ba kene ba berekela Jehova ka go tshepega ho lefaseng ka nako ya “motšhatšhamelo wo mogolo”? (Joh. 10:16; Mat. 24:21) Ba bangwana lekgono ba ka fo šekedisa ke gore ba nyoko kwa nkare ba lahlegiye kela ba sa sa tšiba ditaba tsa bona mo ye ba mo nyakang ka matla wa go tlotsiwa a ya legedimong. Tla re petapeteneng ka ditaba ka dipedi tsa ka ho Bhayibeleng tsa gore kela ba nagana ka tsona. Mo re fetsa, re ko boneng gore ke ntaba di sa nyake re šekela.

GO KA SA MAKEGE YING?

3-4. Ba bangwana ba ka tiputsisa diputsiso difeng, fote ke ntaba?

³ Ba bangwana ba ka fo tseya nkare bo ba dinku tse dingwana ba ka fo thomisa go šepisa ho nneteng ka taba la gore go ko ba go sa sa na Mogoba wa go Lawola wa gore wa ba yetetsa. Di ka makega ba tshosa ke Mangwalo ya mangwana. Tla re petapeteneng ka ditaba ka dipedi. Ya mathomo ke ya Moprista ye Mogolo ye ba reng ke Jehoyada. Ke mo go le monna wa go tshepega ga Modimo. Yene le mosadi wage ye ba reng ke Jehošabhethe ba yye ba pasopa mošomanyana  ye ba reng ke Jehowaše ke mokane ba mo gelepa gore a be kgoši ya gabutši ya gore ya tshepega. Nakwela Jehoyada a sa na a phela le mo a kene a tsofele, Jehowaše ke mo a maka tsona. Mara mo Jehoyada a re phi, Jehowaše a thomisa go maka tsa go tšiba ke yene. O yye a theetsela barwayi ba magoši ya go ba le dipelo tse diphifadu ke mokane a sa sa berekela Jehova.—2 Dikor. 24:2, 15-19.

⁴ Taba ye nngwana ke ya Makreste ya dinako tsela tsa mengwaga ya gana hala ga 100 le 200. Johane wa lepostola, wa gore ke mo go le yene lepostola la mafelelo, o yye a hlohletsela Makreste ya go tlala gore ma make dilo gabutši, a ma gelepa gore ma tiyisele mo ma kene ma berekela Jehova. (3 Joh. 4) Johane ke mo a kene a tshwarisanne le mapostola ya mangwana ya Jeso ya go tshepega mo ba kene ba lomme molomo wa ka fase ba kikirisana le batho ba go kgeloga ba gore ke mo ba fo ya ba kene ba yeketsega. (1 Joh. 2:18; lebelela mantsu ya go hlatolla ditaba ga 2 Mathes. 2:7.) Mara Johane o f’lo re go timela, ba go kgeloga ba thomisa go yeketsega nkare go ro phiruluga dithogo mo motho a na le mooko. A gwa fela mengwaga ya go tlala, phutego ya Sekreste ya ba yi šele yi topele.

5. Mo re lebelele ditaba tso ka dipedi, a go nyake re segelela dipheto difeng?

⁵ Ayitsano ditaba tsowa tsa go tšwa Mangwalong di šupetsa gore go nyoko makega tsotsone ga dinku tse dingwana tsa Kreste mo bo ba go tlotsiwa ba ya legedimong? Ka nako yonone, ayitsano Makreste ya go tshepega ya ho lefaseng ma nyoko thomisa go maka tsa gore a baa ba tšhutisa tsona, go tshwana le Jehowaše, kela ba thomisa go kgeloga, go tshwana le ka mokgo go makiyeng Makreste ya mengwaga ya gana hala ga 100 le 200? Phetolo ke gore di ka sa makege le ka gonyana! Di nyaka re sa kamake gore mo bo ba go tlotsiwa ba tloga ho lefaseng, bo ba gore ke dinku tse dingwana ba nyoko pasopega gabutši fote ga tso tsa Modimo ba nyoko dula ba philegiye. Ke ntaba re sa kamake ga tsotsone?

MORAPELO WA GO YELA WO KA SA KENE KE DITHILA

6. Ke difeng kararo ya dinako tsa gore re nyoko petapeta ka tsona ka gonyananyana?

⁶ Re ka maka king gore re di tshepe tsa gore morapelo wa go yela wo ka sa kene ke dithila, le mong ka dinako tsa gore go sa nyoko thathafa ku mahlong? Re maka ke so re se tšhutiyeng ka Bhayibeleng sa go bolabola ka dinako tso re phelang ga tsona. Nako yo a yi tshwane le ka gonyana le ya Maisrayele ya ku botala le nako ya Makreste ya gana hala ga mengwaga ya bo-100 le 200. Byalo, tla re di lebeleleneng gabutši dinako tso ka ditharo: (1) Nako ya Israyele ya ku botala, (2) nakwela mapostola ma šele ma hlokofele, le (3) dinako tsa rune, kela “nako ya gore dilo ka mokana ga tsona di lukisiwe.”—Meber. 3:21.

7. Ga Israyele ya ku botala, batho ba go tshepega ke mo ba maka king gore ba sa šekele mo setšhaba le magoši ya gona ba tikgetela go kena mošohlong?

⁷ Nako ya Israyele ya ku botala. Mo Moše a le thina le go kgwa, o yye a botsa Maisrayele gore: “Ke di tšiba gabutši gore mo ke kgwile, nnete le nyoko maka tsa go tikela ku fote la tšwa le ga pata yo ke le šupetsiyeng yona.” (Dot. 31:29) Moše o hlayye le gore mo Maisrayele ma ka tiwomisa dihlogo, setšhaba sone ka mokana ga sona se nyoko ya bobhantiting. (Dot. 28:35, 36) Ayitsano di makegiye? Eya. Ka nthago ga mengwaga ya go tlala, magoši ya go tlala ma yye ma kgeta pata ya go sa hlamatsega ke mokane ma gorometsa batho ba Modimo ka gare ga matsaka. Sosone se makiye gore Jehova a lahle batho bone ba go ba le dipelo tse diphifadu ke mokane a sa sa ba le magoši ho lefaseng. (Hezek. 21:25-27) Mara Maisrayele ya go tshepega ma yye ma šišimala mo ba di bona tsa gore tso di hlayyeng ke lentsu la Modimo di makegiye.—Jes. 55:10, 11.

8. Ayitsano di nyaka di re makatse tsa gore Makreste ya mengwaga ya gana hala ga 100 le 200 ma yye ma fokoga? Hlatolla.

⁸ Nakwela mapostola ma šele ma hlokofele. Ayitsano di nyaka di re makatse tsa gore Makreste ya mengwaga ya gana hala ga 100 le 200 ma yye ma  fokoga? Awwa. Jeso o hlayye gore ba go kgeloga ke mo ba nyoko tlala ka matla. (Mat. 7:21-23; 13:24-30, 36-43) Pawulo wa lepostola, Petro wa lepostola le Johane wa lepostola ka mokana ga bona ke mo ba šele ba hlayye gore tso Jeso a di porofitiyeng ke mo di na di šele di makega ka dinako tsa ku botala. (2 Mathes. 2:3, 7; 2 Pet. 2:1; 1 Joh. 2:18) Gana hala ga mengwaga ya 100 le 200, phutego ya Sekreste yi yye ya kena ke dithila. Go yye gwa kgeloga Makreste ya go tlala ke mokane ma kena ga Bhabhilona ye Mogolo, ya gore ke mmušo wa lefase wa sedumedi sa matsaka. Le ka nako yonone, ke mo go makega tso moya wo hlohletseleng gore go be le seporofeto sa tsona.

9. Nako yo re phelang ga yona yi fapana ka ying le ya Maisrayele ya ku botala le ya phutego ya Sekreste ya mengwaga ya gana hala ga 100 le 200?

⁹ “Nako ya gore dilo ka mokana ga tsona di lukisiwe.” Dinako tsa rune a di tshwane le tsa Israyele ya ku botala fote a di tshwane le tsa nakwela ba go tlala ba kgeloga gana hala ga mengwaga ya 100 le 200. Ya rune nako ba re king lebitso la yona? Ga go tlala re re ke nako ya “matšatši ya mafelelo” ya lefase lo la go befa. (2 Thim. 3:1) Mara Bhayibele yi šupetsa gore ka nako yonone go yye gwa thoma nako ye nngwana ye kgolo ya go lefanyana. Yi nyoko fo ya mahlong go šinye go segele nako yo Mmušo wa Mesiya wo nyoko makang gore batho ba yenele gabutši ho mmeleng fote lefase go le pharadeyisi. Nako yone ba re ke “nako ya gore dilo ka mokana ga tsona di lukisiwe.” (Meber. 3:21) Nako yo yi thomisiye ka 1914. King sa gore ba se lukisiye ka nako yonone? Se sengwana ke gore Jeso ba mmeyye setulong sa go lawola go le Kgoši hala legedimong. Byalo Jehova o yye a ba le wa go lawola fote wa gore ke mo a yemela Yene, wa gore ke motlogolo wa Kgoši Dafita wa go tshepega. Mara bogoši byone a yi yona yi ntoši taba ya gore Jehova o yi lukisiye. Ka nthagonyana ga nako yone, yi šinnye yi segela nako ya gore mokgwa wa go rapela le wona wo yele! (Jes. 2:2-4; Hezek. 11:17-20) Ayitsano wo nyoko kena ke dithila fote?

10. (a) Bhayibele yi re go nyoko makega ying ka mokgwa wa go yela wa go rapela ka dinako tso tsa rune? (Jesaya 54:17) (b) Ke ntaba diporofeto tsa mohlobo wonone di re tiyisa?

¹⁰ Bala Jesaya 54:17. O fo nagana ka seporofeto sone: “A se šiyo segale so ba se makeleng go lwa le lune sa gore se ka tšhoga se phomelele”! Mantsu wone ya gore ma hlohletsele ke moya maa makega lekgono. Mantsu yawa ya go tiyisana le wona ma makega ka nako yo ya rune, ma re: “Barwayi bago ka mokana ga bona ba nyoko tšhutisa ke Jehova, fote barwayi bago ba nyoko beba la go sa hlayisege. Le nyoko tsika ga tsa go loka. . . . Le ka sa tšhabe selo fote a se šiyo sa gore se nyoko le hlagasedisa, ka taba la gore se ka sa šutele ga lune.” (Jes. 54:13, 14) Le mong “modimo wa lefase lowa,” yene mong Sathane, wa šitega go thibelela mmereko wa go tšhutisa wa gore wo maka ke batho ba Jehova. (2 Makor. 4:4) Mokgwa wa go  yela wo gona fote wo ka sa sa sinyega. Wo nyoko ba gona go ya go yye. A se šiyo segale so ba se makeleng go lwa le rune sa gore se nyoko phomelela!

GO NYOKO MAKEGA YING?

11. Re maka king gore re tshepe gore bo ba mogoba wo mogolo ba ka sa fo šala ba yitsa mo bo ba go tlotsiwa ba ya legedimong?

¹¹ Go nyoko makega ying mo bo ba go tlotsiwa ba ya legedimong? O sa lebale gore re disa ke Jeso. Hlogo ya phutego ya Sekreste ke yene. Jeso o hlayye di kwagala gore: “Wa go le yeta mahlong nka wwoši, ke Kreste.” (Mat. 23:10) Kgoši ya rune ya go lawola ke segele ga mmereko wa yona. Go nyoko ba go lawola Kreste, byalo a di nyake malata yage ho lefaseng ma hlagasedisa ke selo. Ke nnete gore a re tšibi se sengwana le se sengwana ga taba ya gore Kreste o nyoko ba yetetsa byang batho bage ka nako yonone. Byalo tla re bolaboleneng ka mešupetso ye mengwana ya ka Bhayibeleng ya gore yi ka re tiyisa.

12. Jehova o yye a ba pasopa ka mokgwa mang batho gage (a) mo Moše a timele? (b) mo Eliya a krayye mmereko wo mongwana? (Lebelela le sethombhe.)

¹² Mo Maisrayele ma soko kena ga Naga yo ne ma Tshepisiwwe yona, Moše o yye a timela. Go yye gwa makega ying ka batho ba Modimo? Phela monna yela wa go tshepega ke mo a sa sa le šiyo, ayitsano ba yye ba šala ba sa sa tšiba ditaba tsa bona? Awwa. Mo bona ba tshepega, Jehova ke mo a fo ya mahlong a ba neya tso ba di gayelang. Mo Moše a soko kgwa, Jehova ke mo a mmutsiye gore a neye Jošuwa mmereko wa go yeta batho bone mahlong. Ke mo go ro ba mong mengwaga Moše a kene a lokotša Jošuwa. (Ek 33:11; Dot. 34:9) Go tokegela gana hone, ke mo ba le gona banna ba bangwana ba go tlala ba gore ke mo ba yeta mahlong—dindhuna tsa go lawola dikete, makgolo, kapheta ya masome le mong masome. (Dot. 1:15) Batho ba Modimo ke mo ba le mabešebešeng. Le ga Eliya go makegiye ka mokgonone. O yye a karakara ka mengwaga ya go tlala a kene a gelepa Maisrayele go rapela ka mokgwa wa go yela. Mara go yye gwa segela nako ya gore Jehova a mo yise ga mmereko wo mongwana, ka borwa bya Juda. (2 Mag. 2:1; 2 Dikor. 21:12) Ayitsano batho ba go tshepega ba lesome la maloko ya mmušo wa Israyele ba yye ba fo šala ba sa sa tšiba? Awwa. Eliya ke mo a na le mong mengwaga a lokotša Eliša. Fote ke mo go na le “barwayi ba baporofeta,” ba gore di šupa ba yye ba ba tšhela ga dikolo tsa mohlobo wa tsona. (2 Mag. 2:7) Byalo, ke mo go na le batho ba go tlala ba go tshepega ba gore ba ka yetetsa batho ba Modimo. Tso Jehova a nyakang go di segelela ke mo di fo ya di kene di makega, fote ke mo a pasopa batho bage ba go tshepega.

13. Maheberu 13:5b yi re tshepisa ying? (Lebelela le sethombhe.)

¹³ Mo re kene re naganne ka mešupetso yowa, wene o bona nkare go nyoko makega ying mo wa mafelelo wa bo ba go tlotsiwa a ya legedimong? A  di nyake re naganela. Bhayibele yi re thuletsela nnete ya gore a yi hlupi, ya go re tiyisa, ya gore: Jehova a ka sa tsoge a lahliye batho bage ba mo lefaseng. (Bala Maheberu 13:5b.) Bo ba mogoba wo monyana wa Makreste ya go tlotsiwa bo ba leng ho lefaseng lekgono ba tshwana naye ga Moše le Eliya, baa yi tšiba taba ya gore go tšhutisa ba bangwana a yi taba ye nyana. Go ro ba mong mengwaga Magageru ga Mogoba wa go Lawola ba tšhutisa ba bangwana ga dinku tse dingwana gore ba yete mahlong. Mo re beyisa, ba makiye gore go be le dikolo tsa go tlala tsa go tšhutisa bagolo, bapotulugi, ba Komiti ya Lekala, ba go wokamela mmereko Bhethele le ba bangwana. Mogoba wa go Lawola ka bowona beng ke mo wo kene wo tšhutisa ba go wo gelepa ga dikomiti tsa mohlobohlobo tsa Mogoba wa go Lawola. Gana byalo bo ba go gelepa ba kene ba tshwere mmereko wo mogolo wa gore ba wo maka ka go tshepega. Ba lokotšegiye gabutši gore ba ye mahlong ka mmereko wa go pasopa dinku tsa Kreste.

14. Mong tabataba yo re bolabolang ka yona mo ke yifeng?

¹⁴ Mong tabataba yo re bolabolang ka yona mo ke yo: Mo ba mafelelo ga bo ba gore ba tlotsiwwe ba ya legedimong mo motšhatšhamelo wo mogolo wo le thina le go fela, mokgwa wa go yela wa go rapela wo nyoko fo ba wo kene wo ya mahlong ho lefaseng. Jeso Kreste o nyoko ba a kene a yetiye dilo mahlong, byalo bo ba go rapela Modimo ba ka sa šale ba yemme hlogo. Ke nnete gore ka nako yone, re nyoko ba re kene re hlasela ke Ghogho wa Maghogho, tsona ditšhaba tsa go timaka ngata tsa gore di nyoko ba di re nyenya. (Hezek. 38:18-20) Mara tso tsa go re hlasela go nyoko ba tsa senakonyana ke mokane dya šaša; ba nyoko teya fase ka taba la gore batho ba Modimo ba ka sa lisetse go rapela Jehova. Nnete o nyoko ba phonisa! Johane wa lepostola o yye a ba le mmono wa gore o bonne “mogoba wo mogolo” wa dinku tse dingwana tsa Kreste. Johane ba mmutsiye gore “mogoba [wowa] wo mogolo” wo “tšwa ga motšhatšhamelo wo mogolo.” (Kut. 7:9, 14) Nnete ba nyoko ba ba pasopegiye!

15-16. Kutullo 17:14 yi re bo ba go tlotsiwa ba Kreste ba nyoko ba ba maka ying ka nako ya ntwa ya Aremaghedoni, fote ke ntaba di re tiyisa tsotsone?

¹⁵ Mara ba bangwana ba ka fo tiputsisa gore: ‘Byalo bo ba go tlotsiwa gee? Ba nyoko maka ying mo ba šele ba tlugiye ho lefaseng?’ Bhayibele yi yi fetola gabutši putsiso yone. Yi re botsa gore ba  memmušo ya dipolotiki ya lefase lo ba nyoko “lwa le Nku.” Phela ba nyoko tsoga fase. Re bala gore: “Nku yi nyoko ba hlula.” Yi nyoko ba yi gelepa ke mang? Temanyana yonone ya fetola. Yi re ke ba gore ba “bitsiwwe,” “ba kgetiwwe,” ba gore fote ke “ba go tshepega.” (Bala Kutullo 17:14.) Ke bafeng bobo? Ke ba go tlotsiwa ba gore ba nyoko ba ba tsusiwwe! Byalo, mo ba mafelelo ho lefaseng ga bo ba go tlotsiwa ba ya legedimong mo motšhatšhamelo wo mogolo wo le thina le go fela, ga mebereko ya bona ya mathomothomo, wo mongwana wa gona ke go lwa. Ke mmereko wa go jabodisa wa tšiba! Ba bangwana ga Makreste yawa ya go tlotsiwa ba di makiye tsa go lwa mo ba soko ba Dihlatse Tsa Jehova. Ba bangwana le bosoleng ba yye. Mara ka nthago ba yye ba ba Makreste ya mannete ke mokane ba tšhuta go phidisana gabutši le batho. (Magal. 5:22; 2 Mathes. 3:16) Ba lisetsiye go tšhela letsogo dintweng. Mara mo ba šele ba tsugiye gore ba phele legedimong, ba nyoko ba ba bereka le Kreste le mangeloyi yage ya go hlawolega, ga ntwa ya mafelelo ya go lwa le manaba ya Modimo.

¹⁶ O fo nagana nje! Ho lefaseng, Makreste ya mangwana ya go tlotsiwa ma šele ma tsofele, le mong mmele a wo sa maka. Mara mo ba šele ba tsugiye gore ba phele legedimong, ba nyoko ba le matšhika fote ba nyoko ba ba le batho ba moya ba gore a ba sa kgwa, mmereko wa bona go nyoko ba wa go lwa ba le thina le Kgoši ya go Hlula, Jeso Kreste. Mo ntwa ya Aremaghedoni yi fitiye, ba nyoko tšhela letsogo ga taba ya go maka gore batho ba yenele ho mmeleng. Di fo ba lekgwaying gore ka nako yonone, mo ba le ku legedimong ba nyoko makela magagabo ho lefaseng dilo tsa go tlala tsa go bafala go feta nakwela ba sa le ho lefaseng fote ba soko yenela ho mmeleng!

17. Re di tšibela kaye tsa gore malata ya Modimo ka mokana ga wona ma nyoko ba ma pasopegiye ka nako ya ntwa ya Aremaghedoni?

¹⁷ Ayitsano wene o wela ga dinku tse dingwana? Mo nkare o wela gona, di nyaka wene o make ying mo go thomisa ntwa yo ye kgolo ka matla ya Aremaghedoni? A di hlupi dilo tsa gona wa tšiba: O fo tshepa Jehova, ke mokane o latelele tso a di hlayang. Go ka kena le ying gana hone? Bhayibele ya re kgomoletsa mo yi beya ditaba tsa gona, yi re: “Kenaneng ka dikamareng tsa lune, ke mokane le kwale dikwalo. Le wutame tsa senakonyana go šinye go feta taba yo ya go kwata.” (Jes. 26:20) Malata ya Modimo ka mokana ga wona ya go tshepega, ya legedimong kela ya lefaseng, ma nyoko ba ma pasopegiye ka nako yonone. Le rune re tshwana naye ga Pawulo wa lepostola, a re kamake le ka gonyana gore le mo ba ka maka ying “kela mmušo wa maka ying, le mong dilo tso di makegang gana byalo kela tso di sa ga tlang … di ka sa ro re yahluganya le Modimo.” (Rom. 8:38, 39) O sa yi lebale taba yowa: Jehova o go nyaka stereka fote a ka sa ro go lahla!