1. Bo ba go rapela Jehova ke mo ba kene ba maka dilo tsa gabutši ka mokgwa mang go tlugisela botala?

 AYITSANO o yi tseyela gedimo yo ya gore ke wene monghana wa Jehova? A re kamake gore o yi tseyela gedimo! Fote a yi wene o le ntoši. Go tlugisela ku botala, batho ba go tlala ka matla le bona ke mo ba tikwa go tshwana nago. (Pis. 104:33, 34) Ba go tlala ba tikonne dilo gore ba thogo berekela Jehova. Ke mo go fo ba ka mokgonone ka batho ba Israyele ya ku botala bo ba reng ke Manazari. Ke mo go le batho ba mohlobo mang fote re ka tšhuta ying ga bona?

2. (a) Manazari ke mo go le batho ba mohlobo mang? (Dipalo 6:1, 2) (b) Maisrayele ya mangwana ke mo ma tšhofa king mo ma kgeta go ba Manazari?

² Lentsu la gore “Lenazari” le tšwa ga lentsu la Seheberu la gore le ra “Wa Gore ba ro mo Tobollwa,” “Wa Gore ba ro Mmeya ka Thooko,” kela “Wa go Tineyela.” Lentsu lowa le fo napa le yi yedisa ya gore ke mo go na le Maisrayele ya mangwana ya go ba le matšato fote ma tikona tse dingwana gore ma berekele Jehova ka mokgwa wa go hlawolega. Molawo wa Moše ke mo wo dumela gore monna kela mosadi a ka makela Jehova kano ya go hlawolega ka go kgeta go fetsa nako a phela go le Lenazari. a (Bala Dipalo 6:1, 2.) Ga kano yone, kela go tshepisa, ke mo go kena le taba ya go latelela melawo ya gore Maisrayele ya mangwana ka mokana ga wona ke mo ma sa wo latelele. Leisrayele ke mo le ka maka king gore le make kano ya go ba Lenazari? Di šupa nkare Leisrayele la mohlobo wonone ke mo le tšhofa ke taba ya gore ga Jehova le mo nyaka tsela tsa go sa hlayisege fote le leboga le šwennye gore o le rufiye ka matla.—Dot. 6:5; 16:17.

3. Batho ba Modimo lekgono ba tshwana ka ying le Manazari?

 ³ Bonazari bo segele mafelelong nakwela sekgaleng sa Molawo wa Moše go kena “molawo wa Kreste.” (Magal. 6:2; Rom. 10:4) Mara batho ba Jehova lekgono ba tshwana le Manazari, ba sa na ba ya mahlong ba šupetsa gore ba nabela ka matla go mmerekela di ba baba ka dipelo tsa bona ka moka, ka bobona ka moka, ka monagano ka moka le ka matšhika ka moka. (Mrk. 12:30) Mo re tseya maphelo ya rune re ma neya Jehova, re ba re sa tšhofe ke motho mo re maka kano yone ya gore re nyoko mmerekela. Mo re nyaka go ngangarela kano yone, di nyaka re tipotse gore re nyoko maka tso Jehova a di nyakang fote re tikone tse dingwana. Mo re kene re petapeta ka tso Manazari ma di makiyeng gore ma ngangarele kano ya wona, re ka tšhuta dilo tsa gabutši gore rune re ka yi ngangarela byang ya rune. b (Mat. 16:24) Tla re lebeleleneng ditaba tse dingwana.

TIKONE TSE DINGWANA

4. Dipalo 6:3, 4 yi re Manazari ke mo ma tikona dilo tsa mohlobo mang?

⁴ Bala Dipalo 6:3, 4. Manazari ke mo di nyaka ma kganele kgole le mehlobo ka mokana ga yona ya mokgete le dilo tsa gore di tšwa modhriveng, tsa go tshwana le didhriva tsa mehlobohlobo. O ka kraya gore batho bo ba dulang nabo ke mo ba tikwisa ka tsa go ja tsa mohlobo wonone ka taba la gore a go na sa go hlupa ka tsona. Bhayibele yi re Modimo ke yene a neyang motho “wayine gore yi mo jabodise pelo.” (Pis. 104:14, 15) Mara Manazari ke mo ma ro tikgetela gore ma ka sa šutele ga dilo tsa mohlobo wonone. c

5. Madián le Marcela ba kgetiye go tikona ying fote ke mo ba di makela ying tsotsone?

⁵ Le rune re tshwana nawo Manazari, di gona tso re tikonang tsona gore re thogo berekela Jehova re sa hlupi ke selo. Nagana ka taba ya Madián le Marcela. d Monna yewa le mosadi wage ke Makreste fote ke mo ba phela lephelo la go tematema. Madián ke mo a bereka fote a yi tipa ka masaka, ba kgona go dula ka ntlong ya go bafala. Mara ke mo ba nyaka go maka tsa go tlala ga mmereko wa Jehova. Ba yye ba segelela sepheto sa gore ba tšhentšhe tse dingwana gore ba thogo segelela taba yone. Ba re: “Re thomisiye ka go poma dilo tso re di rekang. Re yye ra rurela ga ntlo ye nyana ke mokane ra rekisa koloyi ya rune.” Ke mo go se na so se tšhofang Madián le  Marcela gore ba tikone dilo tso—bona beng ba f’lo kgeta go di maka ka taba la gore ke mo ba nyaka go yeketsa ga tso ba di makelang Jehova. Ba re dipelo di f’lo re kgehle fote ba kwa ba teyela ke moya ka taba la dipheto tso ba di segeleleng.

6. Ke ntaba Makreste lekgono ma tikona dilo tse dingwana? (Lebelela le sethombhe.)

⁶ Makreste lekgono maa jabola mo ma tikona tse dingwana gore ma thogo ba le nako ya go tlala ga tsa Modimo. (1 Makor. 9:3-6) Jehova aa re tšhofe gore re tikone dilo tsowa; fote le dilo tso re tikonang tsona a yi tsa gore di tšwile pateng. Mo re beyisa, motho a ka fo lisetsa mmereko wa gore o kwana nawo ka matla kela a rekisa ntlo yage. Ba go tlala ba segelele sepheto sa gore tsa go šadha ba fo tšwa ba di thisiye kela ba fo tšwa ba yemmenyana ka taba ya go ba le bana. Ba bangwana ba kgetiye go bereka mo go gayelang batšhomayedi, o kraya ba dula kgole ka matla le mašaga le banghana. Ba go tlala re tikona dilo tsa mohlobo wonone re sa tšhofe ke motho ka taba la gore re nyaka go neya Jehova mong selo sa gore re se tseyela gedimo. O sa kamake le ka gonyana gore Jehova o yi tseyela gedimo ka matla taba ya gore o kgetiye go tikona se sengwana, se segolo kela se senyana, gore o thogo mmerekela.—Maheb. 6:10.

O SA TŠHABE GO YEMA O NTOŠI

7. Lenazari ke mo le ka maka king gore le thathafele ke go maka ka mokgo le yanneng? (Dipalo 6:5) (Lebelela le sethombhe.)

⁷ Bala Dipalo 6:5. Manazari ke mo ma makiye kano ya go sa hlubi moriri. Yone ke mo go le tsela ya go šupetsa gore ma theetsela Jehova a ntoši. Ke mo di fo ya ka gore motho o kgetiye go ba Lenazari ka nako ya go teya kaye, mara mo Leisrayele le sa hlubi moriri, batho ba bangwana ke mo ba ka thomisa go di bona. Mo nkare bo ba mmonang ba yema nayo taba ya gore o nabela go ngangarela kano ya Bonazari, ke mo go sa thathafe. Mara sa go kwisa go baba ke gore ke mo di fela di makega le ga Maisrayele tsa gore Manazari ba sa ma tseyele hlogong kela go ma thega. Ka dinako tsa Amosi wa go porofeta, Maisrayele ya gore ke mo ma kgelogiye “ke mo ma dulela go neya Manazari wayine gore ma nwe,” fote di šupa nkare tsotsone ke mo ma di makela gore motho a sinye kano yage ya gore a ka sa nwi wayine. (Amo. 2:12) Di šupa nkare ke mo di fela di nyaka gore motho a šišimale gore a ngangarele ga tso a di tshepisiyeng tsa go ba Lenazari fote a sa tshwane le batho ba bangwana.

8. Tso mosogana ye ba reng ke Benjamin a fitiyeng ga tsona di go tiyisa go segela kaye?

⁸ Mo Jehova a na le rune, le rune re ka di kgona go šišimala ke mokane ra yemela taba ya gore a re tshwane le ba bangwana, le mo ka hlago re ka fo ba re na le dihlong kela re tšhaba maahlo ya batho. Tseya ka Benjamin wa gore o na le lesome la mengwaga, ke Hlatse hala Norway. Ka taba la ntwa ya hala Ukraine, sekolo sa bona se yye sa lukiselela taba ya go thega batho ba gana ku. Ke mo ba kgopela bananyana gore ba yepelele koša ba kene ba yapere dikobo tsa dikhalakhala tsa naga  ya Ukraine. Benjamin o yye a tipotsa gore a ka sa tšhele letsogo ga dilo tso tsa setšhaba, a re yene o nyoko fo ba ku kgolenyana mo di kene di makega. Mara mistresi o yye a mmona, a mo yahlamela a re: “Tlang mo gana byalo nyana. Ka mokana ga rune re yemele wene!” Benjamin o yye a šišimala a šutela hala ga mistresi ke mokane a re: “A ke kene ga dilo tso, nka sa tšhele letsogo ga tsa go yelana le dipolotiki. Gabutšibutši, go na le Dihlatse Tsa Jehova tsa go tlala tsa gore ba di kwalele jele ka taba la go gana go ya ntweng.” Mistresi yela o yye a mo kwisisa ga Benjamin ke mokane a mo lisetsa. Mara bo a kenang nabo ka tlelaseng ba yye ba tla ba mmutsisa gore ke ntaba a sa maka nabo. Benjamin ke mo a tšhugiye ka matla a šinya a nyaka le go lla; mara, o yye a šišimala ke mokane a botsa tlelase ka mokana ga yona tso a di butsiyeng mistresi yela. Ka nthago, Benjamin o butsiye babelegi bage gore ke mo a ro di bona tsa gore Jehova wa mo gelepa gore a yemelele so a se dumelang.

9. Re ka maka byang gore pelo ya Jehova yi jabole?

⁹ Mo re kgeta go maka tso Jehova a di nyakang, batho bo re phelang nabo baa di bona gore a re tshwane nabo. Di nyaka re šišimale gore re hlaye gore ke rune Dihlatse Tsa Jehova mo re le mmerekong kela sekolong. Fote mo maphelo le mekgwa ya lefase lo di kene di thirimela, di ka makega gore le rune re kwe di roba ka matla go latelela ditšhiko tsa Bhayibele le go botsa ba bangwana ditaba tsa go bafala. (2 Thim. 1:8; 3:13) Mara o sa tsoge o yi libele ya gore ‘re jabodisa pelo ya Jehova’ mo re šupetsa gore a re tshwane le batho ba gore a ba mmerekele.—Diy. 27:11; Mal. 3:18.

KA KU MAHLONG O YETISE JEHOVA LEPHELONG LAGO

10. Go latelela tso di leng ga Dipalo 6:6, 7 di ka fo ba di thathafiye go segela kaye ga Lenazari?

¹⁰ Bala Dipalo 6:6, 7. Manazari ke mo ma sa šutele thina le setopo. Mo o fo yi lebelela nje, o ka fo bona nkare a yi hlupi yone. Mara ka dinako tsa mo go ngwadiwa Bhayibele, taba yowa ke mo yi ka roba ka matla ga Lenazari la gore le hlokofalele ke wa galo. Ka dinako tsone ke mo ba tlwayele gore mo ba boloka o kraye motho a ya a yema thina le ye a hlokofeleng. (Joh. 19:39, 40; Meber. 9:36-40) Taba ya gore motho ke Lenazari ke mo yi mo kgerela gore a sa make dilo tsone tsa gore ke mo ba di tlwayele. Le ga dilo tsa ka ho mutšing mo go na le sa gore se ba kwisiye go baba ka matla ba boya ba ro lla, Manazari ke mo ma šupetsa gore ma na le tumelo ya go tiya, ma fo ngangarela ga moyano wo ma wo makiyeng. Nnete Jehova o yye a ba tiyisa ka matla batho bo ba go mo rapela mo ba kene ba ghulana le dintshitshire tsone.

11. King so di nyakang Mokreste a tipotsa sona mo a segelela sepheto ditabeng tsa mutši? (Lebelela le sethombhe.)

 ¹¹ Ke rune Makreste fote taba ya gore re tineyele ga Jehova re yi tseyela gedimo ka matla. Gana hone go kena le dipheto kela dilo tso re di makang tsa go yelana le tsa ka ho mutšing. Re karakara ka matla gore re make tso Mangwalo ma reng re di make mara a re di make tsa go kraya re hlupegiye ka matla ka tso di nyakang ke ba ka ho mutšing ke mokane re tšwa re beyye tsa Jehova hala thooko. (Mat. 10:35-37; 1 Thim. 5:8) Mašaga yago ma ka fo bona nkare a di sa tseya ho gago mo ma bona o segelela dipheto tso wene o tšibang gore di jabodisa Jehova.

12. Mo seyemo se thathafa mutšing wa Alexandru, o yye a maka ying fote king sa gore aa se maka?

¹² Alexandru le mosadi wage ye ba reng ke Dorina ba fitiye ga seyemo se sengwana. Monna yewa le mosadi wage ba fetsiye mongwaga ba kene ba tšhuta Bhayibele, ke mokane Dorina a lisetsa, a boya a botsa Alexandru gore le yene a lisetse. Mara monna yewa o yye a bolabola a kgibiye mara a kene a gata gabutši mo a hlatollela mosadi wage gore yene a ka sa lisetsi. Dorina o yye a kwata a boya a liketsa go mo lisisa ka tšhinghi. Alexandru o re o yye a liketsa go kwisisa gore ke ntaba mosadi wage a maka ka mokgo, mara ke mo go thathafa. Mo Dorina a fela a mo poyilanya a boya a mmotsa tsa go gakga mo a mo fetola, monna yewa ke mo a fela a kwa nkare tso tsa go tšhuta Bhayibele a ka fo napa a di lahla gana hone. Mara Alexandru o yye a fo tiyisela a kene a beyye Jehova ka ku mahlong, ka thooko a kene a šupetsa mosadi wage gore o mo nyaka tsa nkare ke moka fote wa mo hlompa. Mafelelong, dilo tsa gabutši tso ne a di maka di hlohletsele mosadi wage gore a thomise go tšhuta Bhayibele fote, nnete yela ya napa yi mo tikisa a šinya a yi yamogela.—Lebelela vidiyo ga jw.org ya gore Alexandru le Dorina Văcar: ‘Motho wa go Nyakanana o Lefiselana Pelo Fote o Makelana Dilo Tsa Gabutši’ ga dihlogotaba tsa go lategetsana tsa gore “Nnete yi Tšhentšha Maphelo.”

13. Re ka šupetsa ka ying gore ga Jehova le ba mutši wa rune re ba nyaka ka matla?

¹³ Jehova ke yene ye a makiyeng gore go be le mutši fote o nyaka gore ka ho mutšing re jabole. (Maef. 3:14, 15) Mo re nyaka go jabola tsa mannete, di nyaka re make dilo ka tsela ya Jehova. O sa kamake le ka gonyana gore Jehova o yi tseyela gedimo taba ya gore o tikona tse dingwana gore o thogo mmerekela mo o kene o pasopa ba mutši wago o boya o šupetsa gore wa ba hlompa fote o ba nyaka ka matla.—Rom. 12:10.

HLOHLETSELA BA BANGWANA GORE BA TSEYELE GA MANAZARI

14. Ke bomang ka matlamatla ba gore di nyaka re karakare gore re ba botse tsa go ba kgomoletsa?

¹⁴ Di nyaka batho ka mokana ga bona ba gore ba kgeta go berekela Jehova lekgono ba tikemisele  go tikona tse dingwana ka taba la gore ba mo nyaka ka matla. Go maka tsotsone a go fo dula go le mothebenene. Re ka thušana ka mokgwa mang gore re yi make taba yowa? Ka go tiyisana ka mantsu ya rune. (Job. 16:5) Ayitsano ba gona ga phutego ya lune ba gore ba liketsa go sa hlekeletsi dilo tsa go tlala ho lephelong gore ba thogo tšhela letsogo ka matla ga tso tsa Modimo? Ayitsano ba gona bo ba gore ba sa gola ba gore baa karakara gore ba sa tshwane le bo ba kenang nabo sekolo, le mo go na go thathafa? Ayitsano go na le bo ba gore ba sa tšhuta Bhayibele kela re nabo ka ho phutegong ba gore ba ro loma le molomo wa ka fase gore ba dule ba tshepega le mo ka ho mutšing ba ba phigisa? Mo lešuba le thulega, tla re napeneng re ro ganya dikobo gore re tiyise magageru yawa ya gore re ma nyaka ka matla, re hlaye tso rune re di lebogang tsa gore ba tikona tsona le tsa gore ba šišimele ga tsona.—Filim. 4, 5, 7.

15. Ba bangwana ba yye ba ba gelepa ka mokgwa mang bo ba leng ga mmereko wa nako ka moka?

¹⁵ Di ka fo fela di makega tsa gore Makreste ya re nang nawo ya gore ma maka mmereko wa nako ka moka re ma gelepe ka tse dingwana. (Diy. 19:17; Maheb. 13:16) Mogageru wa mosadi wa gore o titsofalele wa hala Sri Lanka ke mo a nabela tsotsone ka pelo yage ka moka. Mo mmušo wo ba yeketsela tšheleta ya bhokweni, o yye a napa a tipotsa gore o nyoko gelepa makgareba ka mabedi ya gore ke mašupatsela gore ma ye mahlong ka mmereko wa wona le mo sekwetše se sa nape se le gona gabutši. Byalo o yye a segelela sepheto sa gore o nyoko neyela ka bokaye kgwedi ye nngwana le ye nngwana gore ba thogo fowuna. Mogageru yewa wa mosadi o makiye taba ya go bafala wa tšiba!

16. Re ka tšhuta ying ga Manazari ya ku botala?

¹⁶ Wa tšiba di tlele dilo tso re ka di tšhutang ga Manazari ya ku botala! Mara taba yowa yi re thuletsela se sengwana ka Papa wa rune wa legedimong, Jehova. Aa kamake gore ka ho dipelong re di nabela ka matla go mo jabodisa le gore re tikemisele go tikona tse dingwana gore re thogo maka tso re di yanneng. O maka gore re tikwe gore le rune ke rune batho ka go maka gore re mo šupetse ka tso re di makang gore re mo nyaka ka matla. (Diy. 23:15, 16; Mrk 10:28-30; 1 Joh. 4:19) Taba yo ya Manazari yi re šupetsa gore Jehova wa di bona tso re di makang fote o di tseyela hlogong mo re kene re karakara gore re mmerekele. Byalo, nkare re ka tipotsa gore re nyoko fo ya mahlong re kene re berekela Jehova, re mo neye so re kgonang go se maka re sa tšhofe ke motho.