1. Re beyisele gore ke ntaba di nyaka re yetetse ke Jehova.

 TLA re fo re ke wene yewa o mašahleng, o lahlegiye. Wa di bona gore go ka fo nyarela se sengwana le se sengwana: diphoolwane tsa hlaga, dilo di ka fo go loma wa kena ke malwele, go na le dimilane tsa gore di na le tšhefu, o sepela ga setselane sa gore se na le matlapatlapa. O ka jabola ka matla mo go ka fo ba le motho wa gore wa go yetetsa wa go tšiba ga gore go kotsi ke mokane a go sipidisa ga gore gwa sepelega! Lefase lo le fo titshwanela le lešahla. Le na le dilo tsa go tlala tsa gore di kotsi, fote ka matlamatla di ka kwaletsa senghana sa rune le Modimo. Mara ye a re yetetsang ke mong Yene—ke Jehova. O re yetetsa gore re kganele kgole le kotsi re kene re bakiye mo re yang gona—re ya lephelong la go ya go yye ga lefase la nyuwane.

2. Jehova o re yetetsa ka mokgwa mang?

² Jehova o re yetetsa ka mokgo mang? Ka matlamatla o berekisa Lentsu lage lo a le ngwadiyeng, Bhayibele. Mara fote o berekisa batho. Mo re beyisa, o berekisa “lelata la go tshepega la gore fote le hlalefiye” gore le re neye tsa go ja ga tso tsage tsa gore di re gelepa gore re segelele dipheto tsa go šupetsa gore re hlalefiye. (Mat. 24:45) Fote Jehova o berekisa banna ba bangwana ba gore ba tšiba dilo gore ba re yetetse. Mo re beyisa, bapotulugi le bagolo ka ho phutegong baa re tiyisa ba boya ba re gelepa mo go thathafa. Re leboga ka matla gore ba re botsa dilo tsa gore re ka di tshepa ga matšatši yawa ya mafelelo ya gore ma baba ka matla! Tsotsone dya re gelepa gore Jehova a ye mahlong a kene a re yamogela fote re mamarele pata yo ya go yisana lephelong.

3. Re nyoko petapeta ka ying ga hlogotaba yowa?

³ Mara di ka fo fela di makega tsa go kraya re thathafela ke go latelela tso Jehova a re yetetsang ga tsona, ka matlamatla mo ditaba tsa gona re di botsa ke batho ba gore a baa yenela. Ke ntaba? Tso ba re wololang ga tsona o ka kraya di sa nape di kwana le tso rune re kwanang natso kela re sa kwaneng natso. Kela re ka fo tseya nkare  tso ba re botsang tsona ke bophokophoko ke mokane ra tipotsa gore di ra gore taba yone a yi tšwi ga Jehova. Ka dinako tsotsone, di nyaka re napa re di tshepa tsa gore Jehova o yetetsa batho bage fote mo re latelela tso a re botsang tsona, re nyoko rufega. Hlogotaba yowa yi nyoko re gelepa gore re nape re yi tshepa taba yone, yi nyoko bolabola ka (1) mokgwa wo Jehova a yyeng a yetetsa batho bage ku botala, (2) mokgwa wo a re yetetsang lekgono, le (3) gore di re berekela ka mokgo mang mo re sa lisetse go latelela tso a di hlayang.

KA MOKGO JEHOVA A YYENG A YETETSA SETŠHABA SA ISRAYELE

4-5. Jehova o šupetsiye ka ying gore ke mo a berekisa Moše gore a yetetse Maisrayele? (Lebelela sethombhe sa ka tawong.)

⁴ Jehova o beyye Moše gore a yete Maisrayele mahlong a ma ntshe Egepita. Fote o neyye Maisrayele selo sa gore ba ro se bona sa go šupetsa gore ke mo a ba yetetsa a berekisa Moše. Mo re beyisa, ke mo a ba neyye sewolo sa liru motshegare ke mokane bošego a ba yetetsa ka sewolo sa mollo. (Ek. 13:21) Moše ke mo a latelela sewolo sone, sa yisa yene le Maisrayele Lewatleng le Lekhubedu. Batho ba yye ba hlagasela mo ba tseya nkare a ba sa na boyo ka taba la gore ba lebanne le lewatle fote masole ya Maegepita ma kene maa šutela. Ba yye ba re Moše ke mo a sa re o maka ying mo a ba leya hone Lewatle le Lekhubedu. Anthe a ba tšibi. Jehova ke mo a tšiba gore o maka ying mo a leya batho bage hone a berekisa Moše. (Ek. 14:2) Modimo o yye a ba phonisa ka mokgo mongwana le bona ba šala ba sa tshepe.—Ek. 14:26-28.

⁵ Ka nthago ga 40 ya mengwaga, Moše ke mo a sa na a tisamele ka sewolo sa liru gore se yetetse batho ba Modimo hala mašahleng. a Jehova o fetsiye nako ya go lefanyana a beya sewolo sone ka kgakala ga letente la Moše, ga gore Maisrayele ka mokana ga wona ke mo ma kgona go se bona. (Ek. 33:7, 9-10) Jehova ke mo a bolabola le Moše a le ga sewolo sone, ke mokane yene a yisa molayetsa wa Modimo bathong. (Pis. 99:7) Maisrayele ke mo ma ro di bona tsa gore Jehova o berekisa Moše gore a ma yetetse.

6. Maisrayele ma makiye ying mo Jehova a ma yetetsa? (Dipalo 14:2, 10, 11)

⁶ Sa go tšebisa ke gore Maisrayele ya go tlala ma yye ba sa yi kene ya gore Jehova o berekisa Moše, le mo di na di bonala gabutši. (Bala Dipalo 14:2, 10, 11.) Ba swayye molala gatleletlele mo Moše a re wa ba yetetsa. Tsotsone di makiye gore leloko lone la Maisrayele ba le ganele go kena ga Naga yo ne yi Tshepisiwwe.—Dip. 14:30.

7. Re hlayisele mešupetso ya batho ba gore ba yye ba latelela tso Jehova ne a ba yetetsa ga tsona. (Dipalo 14:24) (Lebelela le sethombhe.)

⁷ Mara ya mangwana Maisrayele ma yye ma latelela tso Jehova a di hlayang. Mo re beyisa, Jehova o yitseri: “Khelebho … ke mo a dulela go nlatelela ka pelo ka mokana ga yona.” (Bala Dipalo 14:24.) Modimo o yye a mo rufa ga Khelebho, a boya a ro mo neya le naga ya gore ke mo a yi kgetiye hala Kanana. (Još. 14:12-14) Leloko la go latela la Israyele le lona le makiye dilo gabutši ka gore ke mo le latelela tso di hlayang ke Jehova. Mo Jošuwa ba mmeya gore a kene sekgaleng sa Moše gore a thogo yetetsa Maisrayele, ba yye ba “mo hlompa ka matla lephelo lage ka mokana ga lona.” (Još. 4:14) Tsotsone di makiye gore Jehova a ba rufe ke mokane ba kena ga naga ya gore ke mo a ba tshepisiye.—Još. 21:43, 44.

8. Hlatolla ka mokgo Jehova ne a yetetsa batho bage ka nako ya magoši. (Lebelela le sethombhe.)

⁸ Mo go šele go fitiye mengwaga ya go tlala, Jehova o yye a beya ba go yahlula gore ba yetetse batho bage. Ka nthago, ka dinako tsa magoši, Jehova o beyye ba go porofeta gore ba yetetse batho bage. Magoši ya go tshepega ke mo ma theetsela tso di hlayang ke ba go porofeta. Mo re  beyisa, Kgoši Dafita o yye a tinyanafatsa ke mokane a yamogela mo Nathane wa go porofeta a mo wolola. (2 Sam. 12:7, 13; 1 Dikor. 17:3, 4) Kgoši Jehošafate o yye a tisamela ka Jahaziyele wa go porofeta gore a mo yetetse a boya a hlohletsela batho ba Juda gore ba “tshepe baporofeta [ba Modimo].” (2 Dikor. 20:14, 15, 20) Mo Kgoši Hezekiya a kwa di mo kgahleletsiye, o yye a llela ga Jesaya wa go porofeta. (Jes. 37:1-6) Ka moka nako mo magoši ma latelela tso Jehova a ma yetetsang ga tsona, ke mo ma rufega fote setšhaba se pasopega. (2 Dikor. 20:29, 30; 32:22) Mang le mang ke mo a fo di bona tsa gore Jehova o berekisa ba go porofeta gore a yetetse batho bage. Mara magoši ya go tlala le batho ba yye ba sa yi kene ya baporofeta ba Jehova.—Jer. 35:12-15.

KA MOKGO JEHOVA A YYENG A YETETSA MAKRESTE YA KU MATHOMISONG

9. Jehova o berekisiye bomang gore a yetetse Makreste ya ku botala? (Lebelela le sethombhe.)

⁹ Ka Pentekoste ya 33 C.E., Jehova o yye a maka gore go be le phutego ya Sekreste. Makreste yane ya mathomo ke mo a ma yetetsa ka mokgwa mang? O kgetiye Jeso gore go be hlogo ya phutego. (Maef. 5:23) Mara Jeso ke mo go se yene wa gore o napa a ro bolabola le lelata le lengwana le le lengwana. Ke mo a berekisa mapostola le banna ba bagolo hala Jerusalema gore ba yete mahlong. (Meber. 15:1, 2) Fote ba yye ba kgeta bagolo gore ba yetetse diphutego.—1 Mathes. 5:12; Tito 1:5.

10. (a) Makreste ya go tlala ya ku botala ma yye ma fo re king mo ba ma yetetsa? (Mebereko 15:30, 31) (b) Nakwela Bhayibele ba kene ba sa yi ngwala, ke ntaba batho ba bangwana ba šitegiye go yamogela batho bo Jehova ne a ba berekisa? (Lebelela lebhokisi la gore “ Ke Ntaba ba Bangwana ba Yye ba fo Tiwomisa Dihlogo ba na ba yi Bona Nnete?”)

¹⁰ Makreste ya ku mathomisong ma makiye ying? Ba go tlala ke mo ba jabolela tso ba ba botsang tsona ba boya ba di maka. Gabutšibutši, “ba yye ba jabodisa ke mantsu yane ya go ba tiyisa.” (Bala Mebereko 15:30, 31.) Mara ka dinako tso tsa rune, Jehova ke mo a kene a ba yetetsa ka mokgo mang batho bage?

KA MOKGO JEHOVA A RE YETETSANG LEKGONO

11. Re beyisele dilo tsa gore a yi botala di makegiye tsa go šupetsa gore Jehova ke mo a kene a yetetsa bo ba go yeta mahlong.

¹¹ Jehova o sa na a yetetsa batho bage. Ke mo a kene a maka tsotsone a berekisa Lentsu lage le Morwayi wage, wa gore ke yene hlogo ya phutego. Ayitsano re ya di bona tsa gore Modimo ke mo a kene a berekisa batho gore ba mo yemelele? Eya.  O fo nagana nje ka dilo tse dingwana tsa gore di yye dya makega go yela mafelelong ya mengwaga ya bo-1800. Charles Taze Russell le bo ne a bereka nabo ba yye ba thomisa go di bona tsa gore 1914 go nyoko ba mongwaga wa go hlawolega wa go yelana le go hlomiwa ga Mmušo wa Modimo. (Dan. 4:25, 26) Ba segelele sepheto sone ba kene ba berekisa seporofeto sa Bhayibele. Ayitsano Jehova ke mo a kene a ba yetetsa mo ba nyakolla? Di fo ba lekgwaying. Ka 1914, dilo tso di yyeng dya makega lefaseng di napiye di fo yi yedisa ya gore Mmušo wa Modimo wo thomisiye go lawola. Go yye gwa thoma Ntwa ya Mathomo ya Lefase, gwa tla malwele ya mehlobohlobo, gwa tekateka lefase gwa boya gwa gayela tsa go ja. (Luka 21:10, 11) Nnete Jehova ke mo a berekisa banna bowa ba gore ke Makreste ya go tshepega gore ba thogo gelepa batho bage.

12-13. Ba yye ba maka ying ka nako ya Ntwa ya Bobedi ya Lefase gore ba thogo tabogisa mmereko wa go tšhomayela le wa go tšhutisa?

¹² Bona se sengwana sa gore se makegiye ka nako ya Ntwa ya Bobedi ya Lefase. Mo magageru ya go wokamela mmereko hala ga ntlo ye kgolo ya lefase ka mokana ga lona ma fetsa go bala Kutullo 17:8, ma yye ma di bona tsa gore ntwa yone yi ka sa thindi Aremaghedoni, mara ke mo yi nyoko re tšhela ga nako ya go beba ya gore ke mo yi nyoko thula mašuba ya gore mmereko wa go tšhomayela wo makege gabutši. Byalo, le mo di šupa nkare ka nako yonone taba yo ke mo yi sa kwagale, mokgahlo wa Jehova wo yye wa maka gore go be le Kholiji ya (Sekolo sa) Bhayibele sa Gilead gore se thogo tšhutisa barumiwa gore ba tšhomayele ba boye ba tšhutise mong takataka, go segela mafelelong ya lefase. Ba yye ba roma barumiwa le ka dinako tsa ntwa yonone. Go tokegela gana hone, lelata la go tshepega le yye la maka gore go be le Tlelase ya Mmereko wa Tsa Modimo b gore yi thogo tšhutisa batho ka mokana ga bona ka ho diphutegong gore ga tso tsa go tšhomayela le tsa go tšhutisa ba teye ba tshwarelele. Ka mokgonone, ke mo ba lukiselela batho ba Modimo gore ba tle ba make mmereko wa gore ke mo wo ba yemele ku mahlong.

¹³ Mo re lebelela ku re tšwang gona, di napa di ro yela tsa gore Jehova ke mo a kene a yetetsa batho bage ka nako yonone ya go baba. Go tlugisela ka nako ya Ntwa ya Bobedi ya Lefase, batho ba Jehova ga dinaga tsa go tlala ke mo ba phela ba bebiye fote ba lukulugiye mo ba kene ba maka  mmereko wa go tšhomayela. Gabutšibutši, mmereko wo wo phomelele.

14. Mo re yetetsa ke mokgahlo wa Jehova le bagolo, ke ntaba re ba tshepa? (Kutullo 2:1) (Lebelela le sethombhe.)

¹⁴ Lekgono ba Mogoba wa go Lawola ba sa na ba yi tshwere ya go tisamela ka Kreste gore a ba yetetse. Ba nyaka gore dilo tso ba di fitiselang ga magageru di šupetse gore hala legedimong taba yone ba yi tseya ka mokgwa mang. Ke mokane bapotulugi le bagolo ba tseya ditaba tsone ba di yisa diphutegong. c Bagolo ba gore ba tlotsiwwe ba ka ho ga ‘letsogo la go ja’ la Kreste. (Bala Kutullo 2:1.) Ke nnete gore bagolo bowa a baa yenela ho mmeleng fote ba fela ba kekemisa ga tse dingwana. Moše le Jošuwa ke mo ba fela ba kekemisa, le mapostola ma yye ma kekemisa. (Dip. 20:12; Još. 9:14, 15; Rom. 3:23) Mara Kreste o sa na a ya mahlong a le yetetsa gabutši lelata la go tshepega le bagolo, fote o nyoko fo ya mahlong a maka ka mokgonone “ka moka matšatši, go segela lefase lowa le fela.” (Mat. 28:20) Byalo di nyaka re nape re mo tshepa mo a re yetetsa a berekisa bo a ba kgetiyeng gore ba yete mahlong.

DI BEREKELA RUNE MO RE SA LISETSI GO THEETSELA MO JEHOVA A RE YETETSA

15-16. Go na le ba gore ba yye ba theetsela mo Jehova a ba yetetsa, byalo wene o tšhuta ying ga tso ba fitiyeng ga tsona?

¹⁵ Mo re fo ya mahlong re latelela tso Jehova a re yetetsang ga tsona, le gana byalo dya re berekela. Mo re beyisa, Andy le Robyn ba yye ba theetsela mo ba ba yeletsa gore ba sa hlekeletsi dilo tsa go tlala tsa lephelo (Lebelela hlatollo ya temanyana ga Matewu 6:22.) Tsotsone di makiye gore ba kgone go tšhela letsogo ga mebereko ya go yaga ya go yelana le tso tsa Modimo. Robyn o re: “Ke mo re dula ga dipoleke tse dinyana ka matla, go gongwana le khiši yi se šiyo. Fote ke yye ka kwa di ntšhofa go rekisa dilo tsa go tlala tsa gore ke mo ke di berekisa mo ke tseya dinepe, fote selo sone ke mo ke kwana naso ka matla. Ke yye ka fo kwa ke yela dinepedi mo ba di reka. Mara ke yye ka tseyela ga Sara mosadi wa Abhrahama, ke mo ke tiputsiye gore ke lebelela tsa ku mahlong, go seng tsa ku nthago.” (Maheb. 11:15) Tsotsone di mo thušiye ka ying ga monna yewa le mosadi wage? Robyn o re: “Re fo kwa dipelo tsa rune di yitseri tswee ka taba la gore re ya di tšiba gore so re se neyang Jehova ke mong sona so re nang naso. Mo re kene re bereka ga tso tsa Modimo, di fo re lekisa gore lephelo le nyoko ba le le byang ga lefase la nyuwane.” Andy o yema nayo taba yone, o re: “Di fo maka gore re kwe dipelo tso di dudisegiye ka taba la gore re karakara ka mokgo re makela Mmušo.”

 ¹⁶ Di re gelepa ka ying fote mo re sa lisetsi go latelela tso Jehova a re yetetsang ga tsona? Mo Marcia a fetsa sekolo, o yye a yi tseyela hlogong taba yo ba bangwana ba mo hlohletseleng ga yona ya gore a hlupege ka go berekela Jehova. (Mat. 6:33; Rom. 12:11) O re: “Ke mo ba mputsiye gore ba ka mpatelela kanne ya mengwaga yunivesithi. Mara ke mo ke nyaka go lelekisa tso tsa Modimo. Byalo ke yye ka kgeta go kena sekolo theknikhale gore ke tšhutele mmereko wa gore nka wo maka nkene ke le mošupatsela. Sone ke mo go le mong sepheto sa gabutši ka matla wa tšiba. Gana byalo ke nna mošupatsela wa nako ka moka fote mmereko waka ke kgona go wo tšhentšhatšhentšha ka mokgo ke nyakang, tsotsone di n’gelepiye gore ke thogo gelepa Bhethele le go maka mebereko ye mengwana ya go hlawolega.”

17. Re rufega ka ying fote mo re sa lisetsi go latelela tso Jehova a re yetetsang ga tsona? (Jesaya 48:17, 18)

¹⁷ Ba fela ba re wolola ga dilo tsa gore di re pasopisa ga taba ya go kwana le dilo tsa majabajaba le dilo tsa gore di ka re gorometsa ga gore o kraye re sinyele Modimo. Le ga taba yowa, re rufega ka matla mo re latelela tso Jehova a di hlayang. Re dula re na le lekwalo la go yela fote a re fo latelela mešekelo yi le ku kgole. (1 Thim. 6:9, 10) Tsotsone di maka gore re tlalele ga tso tsa go berekela Jehova ka dipelo tsa rune tsa go felegelela, re kene re jabodiye tsa mannete ka ku tengteng, re bebiye fote re kgibiye.—Bala Jesaya 48:17, 18.

18. Ke ntaba wene o tiputsiye gore o nyoko fo ngangarela ga tso Jehova a go yetetsang ga tsona?

¹⁸ A re kamake gore Jehova o sa na a nyoko ya mahlong a berekisa batho gore ba re yetetse ka nako ya motšhatšhamelo wo mogolo re šinye re kene ga nako ya Go Lawola ya Sekete sa Mengwaga. (Pis. 45:16) Ayitsano re sa na re nyoko ya mahlong re latelela tso ba re yetetsang ka tsona le mo di ka fo nyaka gore tso di nabelang ke rune di fo tšwa di yemmenyana? Di nyoko ya ka gore gana byalo re maka byang mo Jehova a re yetetsa. Byalo, tla re sa lisetseneng go latelela tso Jehova a re yetetsang ga tsona, gana hone go kena le tso di hlayang ke banna ba gore ba ba beyye gore ba re pasope. (Jes. 32:1, 2; Maheb. 13:17) Mo re kene re maka ka mokgonone, re nyoko napa re mo tshepa ka matla Ye wa go re Yetetsa, Jehova, wa gore o re tlosa ga dilo tsa gore di ka kwaletsa senghana sa rune naye ke mokane a re yisa mo re nyakang go segela gona—ga lefase la nyuwane ga gore re nyoko phela go ya go yye.