Sön pöri ang Yāvē nö lōnu tö hī öi möi hökkö ngam tö halēniṙen ṙētak ò. Kūö yòh anga-aṅ nö ngatī lōn? Hēk sitih inlahen öi höng ṙamölōn hökkö ngam sakāmö ò?

KŪÖ YÒH ANG YĀVĒ NÖ LŌNU TÖ HĪ ÖI MÖI?

Ngö ṙô an ngam Paipöl: “Lökten an min ngam Mā Tēv nö höktöre, pò ò nö hòṅ aṙē-ĕlōn tö yīö, lökten ò min inrē nö hapōilöngö, pòn hòṅ aheūkölōn tö yīö: pò ngam Mā Tēv nö Tēv inkaha fālen; tökôlò yip cha-a yip hamökken ò.” (Isa. 30:18) Ṙô Isayā an ngih nö in yik Yahūti maha-ôngen. (Isa. 30:1) Ōt pöri yik Yahūti mi-in cha ma haköpngöre nö in ngam Tēv, yip tö maheūkkūvö nö hang ṙô ngam tö 18 miröökö. Ngatī töngamuh nö ōt yip tö chiplö tarik ngam Tēv Yāvē tö maheūkkū nö löktö in ngih ṙô Isāya.

In ngam ṙô Isayā in öi akahakūö tö Yāvē nö īnu tö ngam manööyö, lökten anga-aṅ nö lōnu tö hī inrē öi möi. Halēniṙen an ngam ṙētak inhëtngö ngih panam min tö tī Yāvē. Lökten yěn öl ngam sakāmö hēk ṙētak e nö yih, ngaich hööka anga-aṅ. (Mët. 24:36) Hē e min nö hameuktu ngam minyôny aṅ ṙô ngam Satān inlahen më tarik ngam Tēv nö tövaich anū-ö. Unôichrit e min ngam Satān tö yik hamôlṙen ò nö ahëtiyö. Aṙēlen hī pöri min ngam Tēv ip hē e.

Yěn öl pöri ngam ṙētak nö yih ngaich lohten ang Yāvē nö öt kēngen minë kanihngen hī, kētö ṙinatö-ellōn hī pöri anga-aṅ tö hī mihôiṅ öi ṙamlōn hökkö ngam ṙētak ò. Ngatī ṙô inrē ang Isayā tö hī yěi römöng hökkö minë tövai ṙētak ngaich mihôiṅ ayī-ö höng ṙamlōn. (Isa. 30:18) Asuh pöri öp tö hòṅ inlahen hī yěi ṙamlōn? Vënyu nun minë tö fën inlahen hī.

SITIH INLAHEN ÖI ṘAMLŌN ÖI HÖKKÖ NGAM SAKĀMÖ

Fēkö minë tölöök ṙô. Meuk minë ötlanöökö ök Tāvit iṙò-òten ò nö aṅ. (Sal. 37:35) Ngö ṙô anga-aṅ: “Chēvtöcheich im Mā Tēv, ha-möiyöre inrē, hökken ò: um hakihtenre tökūö ò ngam tökôlò nö el talöököre, kūö ngam tarik inrē töteungtö tī tö nup tötlöök halēnlöre.” (Sal. 37:7) Hang ngih inlēnö ang rācha Tāvit, chumkūöṙen inrē anga-aṅ tö minë kinlēḵngô Yāvē nö öthō min nö öt laklen ò. Meuk minë inlahen tī Yāvē inrē anga-aṅ nö hayööken ò. (Sal. 40:5) Ngatī inlahen in ayī-ö öi ötkô öi höng ngëichkö minë kanihngenre. Hòṅ chumkūöṙen pöri ayī-ö tö nup inyöökenre, ngaich öt kihngen min ayī-ö hökkö ngam ṙētak Yāvē.

 Yěm höng teūngen tö ṙētakre ngaich ha-öinyö Yāvē. Hěng öp i tövai ṙô in ngam līpöre Salmai 71 mirūlö, lohten angū-ö nö ṙô Tāvit, nö ngö ṙô nö in Yāvē: “Iṙūhen pöri chū-ö meūka: ṙūölöṙô re inrē ha-öinyö Meh.” (Sal. 71:14) Sitih inlahen anga-aṅ nö ha-öinyö Yāvē? Vënyö ngam inlahen ò nö yip tahëng hēk tikökṙôre inrē nö kētö nöönyö ò. (Sal. 71:16, 23) Sā inlahen Tāvit in ayī-ö mihôiṅ öi holtö ṙanamlōn re öi hökkö ngam ṙētak Yāvē ngaich ha-öinyö ò inrē. Yěi ahangkö ngam tölöök inhānga, vë-ekūöre hēk tikökṙôre inrē, ngaich maha-öinyö Yāvē ayī-ö. Lökten yēḵ meh min tikök minë tinköökö Pūlngö, ngaich chumkūöṙen öm ngëichkö nup ṙô hēk haköplöre inrē öm in u.

Kē-ěny ṙētakre in më prötör sistör hēk kē inreuskö alahare inrē. Hē Tāvit nö kihngen ngaich ngö ṙô anga-aṅ nö in Yāvē: “i minë-eny meh chin min höka, pò e nö tölöök nö i kūö yip töhet in meh.” (Sal. 52:9) Mihôiṅ in ayī-ö inrē kēnyö ṙētakre in yip prötör sistör ngaich teūngen min ayī-ö tö inreūskö alahare. Kô-en in meukkūö cha el ṙētak mīting hēk filt inrē. Mihôiṅ pöri inrē öi tahëngö ṙētak meukkūö cha, hòṅ hī öi teūngen tö inreuskö alahare.—Rōm. 1:11, 12.

Iṙūöhen man haköpkö ngam maheūkköre. Ngö ṙô an ngam Salmai 62:5, ‘Höng chëvtöhëichṙen chin öich hökken ngam Tēv, tön aṅ in Ò öp tömeūkka tö chu.’ Ngam manah ngam inköpkö ngam maheukköre, holtö ṙinatö-ellōnre öi hööka. Ngaich yēḵ hī pöri öi samyeūheuv ṙò-òten öi hööka, ngaich kūöṅngöre min ngam maheukkö hī. Lökten öi hòṅ haköpkö ngam ṙinatö-ellōnre tö minë kinlēḵngô Yāvē nö öthō nö öt teung, pòrô öp tö yòh ṙò-òten hī i hökken u. Sitih inlahen öi rih mihôiṅ haköpkö ngam maheukköre hēk ṙinatö-ellōnre inrē? Hòṅ örheūheu öi haköp ngam ṙô ngam Tēv. Tö sā hī mihôiṅ öi fēkö minë töṙōlkangen tö-eūka kinlēngô nö sitih inlahen anū-ö nö teungtökūö, pön ṙōlkangen yik kamūichö e, sön pöri minë ṙô cha nöng hěngren. Haköplu inrē min ayī-ö tö inlahen Yāvē öi löktö in u. (Sal. 1:2, 3) Hěnghöre hòṅ vë-ekūötēv inrē ayī-ö asā inchōkūöre tö ngam töhet kumlēḵ ngam Tēv. Hòṅ ngam innôlö hī nö in Yāvē min nö köp, īnu inrē tö ngam manööyö hēk hökkö ngam kinlēḵngô tö örheūheu aṅ nômö.—Yūt 20, 21.

Asīnkö ngam ṙīnatö-ellōn Rācha Tāvit tö Yāvē nö chumkūöṙen hēk hangenlōn tö cha yip hamökkö ngam sakāmö ò. (Sal. 33:18, 22) Ta-a chěi töi chumkūöṙen inup tölöök ṙô, ha-öinyö Yāvē, kēnyö ṙētakre in më prötör sistör hēk haköpkö ngam maheūkköre. Ngaich möl min ayī-ö holtö manööyöre hēk holtö ṙanamlōnre hökken ngam sakāmö Yāvē.