MIÉRCOLES 18 de enero de 2023 urojja, jw.org cheqan mä suma yatiyäwiw yatiyasïna: Jehová Diosan Testigonakapan Cuerpo Gobernantepan yanaptʼapjjañapatakejja, Gage Fleegle ukat Jeffrey Winder jilatanakaruw uttʼayasïna. Uka jilatanakajj walja maranakaw Jehová Diosar jan jitheqtas servisipki.

Gage jilatajj Pensilvania (Estados Unidos) markat inti jalanta toqenwa jilsüna. Tatap mamapaw Jehová Diosat yatichapjjäna. Waynitüskäna ukhajja, predikirinakajj munaski ukan yanaptʼañatakiw mä jiskʼa markar sarjjapjjäna. Uka qhepat 20 de noviembre de 1988 maranwa bautisasjjäna.

Tatap mamapajj Jehová Diosar sapürunjam serviñapatakejj chʼamañchtʼapjjapunïnwa. Utaparojj circuitonakarus betelitanakarus invitapjjapunirïnwa, ukhamatwa uka jilat kullakanakajj kunja kusisitäpjjesa uk amuyirïna. Bautisasïna uka qhepat 1 de septiembre de 1989 maranwa precursor regularat serviñ qalltäna. Pä maranak qhepatjja, kuntï 12 maranïkasajj lurañ amtkäna ukwa phoqäna, uka amtapajj Betelan serviñänwa. Octubre de 1991 maranwa Brooklyn markankir Betelan serviñ qalltäna.

Betelanjja kimsaqallqo maranakaw taller de encuadernación ukan trabajïna, ukatjja Departamento de Servicio ukaruw asignapjjäna. Uka tiemponjja, ruso aru parlir congregacionanwa servïna. 2006 maranwa Nadia kullakampejj casarasïna, uka tiempotpachaw jupanakajj Betelan servisipki. Panpachaniw portugués aru parlir congregacionan servipjjäna, tunka mara jilaw español aru parlir congregacionan servipjjarakïna. Departamento de Servicio ukan walja maranak servisajja, Gage jilatarojj Oficina del Comité de Enseñanza ukaruw asignapjjäna, ukat Oficina del Comité de Servicio ukaruw asignapjjarakïna.  Marzo de 2022 maranjja, Comité de Servicio del Cuerpo Gobernante ukan yanapiripatwa uttʼayapjjäna.

Jeffrey Winder jilatajj Murrieta (California) markanwa jilsuwayäna. Testigo tatap mamapaw Jehová Diosat yatichapjjäna, 29 de marzo de 1986 maranwa bautisasïna. Mä phajjsi qhepat precursor auxiliarat serviñwa qalltäna, ukham serviñajj wal gustäna, ukatwa uk jan jaytañ munkänti. Mä qhawqha phajjsinakatjja, 1 de octubre de 1986 maranwa precursor regularat sirvjjäna.

Waynitüskäna ukhajja, Jeffrey jilatajj Betelan servir pä jilanakaparuw visitir saräna. Ukaw Betelar sarañatak edadanëjjäna ukhajj solicitud phoqantañatak yanaptʼäna. Mayo de 1990 maranwa Wallkill markankir Betelan serviñatak invitapjjäna.

Ukanjja, kunayman asignacionanakanïnwa, Departamento de Limpieza, Departamento de la Hacienda, Oficina de Betel ukanakanwa servïna. 1997 maranwa Angela kullakamp casarasïna, ukhatpachaw Betelan servisipki. 2014 maranjja, Warwick markaruw cambiapjjäna, ukanjja Jeffrey jilatajj central mundial lurasiñapatakiw yanaptʼäna. 2016 maranjja, Patterson markaruw sarjjapjjäna, Centro Educativo de la Watchtower ukajj uka markankiwa, ukanjja Servicios de Audio y Video ukanwa trabajïna. Pusi maranakat Warwick markaruw kuttʼapjjäna, Jeffrey jilatarojj Oficina del Comité de Personal ukaruw asignapjjäna. Marzo de 2022 maranjja, Comité de Personal del Cuerpo Gobernante ukan yanapiripatwa uttʼayapjjäna.

Uka jilatanakajj Jehová Diosan suma regalonakapäpjjewa (Efes. 4:8). Kuntï Diosan Reinopatak lurasipki uk lurasipkakiñapatakiw orarapipjjtanjja.