Mebẽrã ũme Zõrãrã Burubiadebema babisida
MIÉRCOLES 18 enero 2023de jw.org de jarasida mebẽã Gage Fleegleta akʉza Jeffrey Winderta Zõrãrã Burubiadebema babisida. Ãyira dããraba Daizeze ode kʼẽrẽpapanʉta.
Gage Fleegle yi kima Nadiaʉ̃me
Mebẽã Fleeglera tosida Pensilvania Estados Unidosde akʉza iyi yibarirãra Daizeze odepanasi. Iyi kʉ̃rabasiedara iyi yibarirãra wãsida Daizeze Bedʼea jaradiade kʼareba nesidabʉmae. Tẽã iyira buru kʼoesi 20 noviembre 1988de.
Mebẽã Fleegle yibarirabara jaradiasida ewari jõmaʉ̃nẽ Daizezeita trajamarẽã. Akʉza iyi yibarirabara mebẽrã kongregasionʼra akʉbari zõrãrãta akʉza betelitarata ãyi deda trʉ̃panasi, mebẽã Fleegleba ũdubasi maʉ̃ra mebẽrãra sobiapanasita. Iyi buru kʼoeda audre ẽãne yi nãã edebarita ojʉ̃drʉsi iyara (1 de septiembre 1989de). Iyi 12 poagabaside krĩchasi Betelde trajaita. Iyira Betelde traja jʉ̃drʉsi octubre 1991ne.
Mebẽã Fleeglera 8 poagabayeda trajasi librora opanʉmae, tẽã iyira zokʼa bʉesida Departamento Serviciode. Maʉ̃ne trajabasieda kongregasion ruso bedʼea bedʼeabʉmae basi. Poaga 2006de juwa jidasi Nadiaʉ̃me, iyisida Betelde traja jʉ̃drʉsi. Akʉza ãyira kongregasion portugue bedʼea bedʼeabʉmae panasi, maʉ̃ tẽã 10 poagabayeda kongregasion español bedʼea bedʼeabʉmae panasi. Poaga bio berabarida tẽã mebẽã Fleeglera traja jʉ̃drʉsi Mebẽrã nãã jaradiabarirane, tẽã iyira Comité Serviciode traja jʉ̃drʉsi. Marzo poaga 2022de Comité Servicio kʼarebabaribasi.
Jeffrey Winder yi kima Angelaʉ̃me.
Mebẽã Winderʼra tosida Murrieta, Californiane (Estados Unidos). Iyi yibarirabara iyaʼa Daizeze ʉ̃rʉ jaradiasida, iyira buru kʼoesi 29 marzo 1986de. Jedeko aba berabarida tẽã iyira yi nãã edebari 30 ora diabaribasi. Iya maʉ̃ obʉta mejãcha kãgasi baera yi nãã edabari 50 ora diabaribasi 1 octubre 1986de.
Mebẽã Winder kʉ̃ra basieda yi mebẽrã Beteldebʉta akʉ wãsi. Iya maʉ̃ akʉ jʉ̃ẽnaba kʼarebasi iyisida Betelʼeda wãkĩrãmarẽã. Iyira Betel Wallkillde traja jʉ̃drʉsi mayo 1990de.
Mebẽã Winder Betelde trajabasidera nekʼãrẽ mejãcha obasi: trajasi de imaita, nedʉwʉrʉra akʉita akʉza opisina Beteldebemane. Iyira juwa jidasi Angelaʉ̃me 1997de, maʉ̃neba ʉ̃ta ãyira ãba traja jʉ̃drʉsida Betelde. 2014de ãyira zokʼa bʉesida Warwickʼeda mama mebẽã Winderba kʼareba parãsi Betel mamabemata. 2016de mebẽã Winderʼra traja jʉ̃drʉsi Nejaradiabari Watchtower Pattersonʼnebemane. Iyira namara trajabasi bideo obʉde. Poaga kimare berabarida tẽã jẽda wãsi Warwickʼeda, mama traja jʉ̃drʉsi Comité Personaldebemane. Marzo 2022de Comité Personal kʼarebabari ba jʉ̃drʉsi.
Jeowaʼa widipanʉ naʉ̃ra mebẽrãta kʼarebamarẽã ãyira Jeowa Nokʼo kʼarea zarea trajapanʉ baera (Efes. 4:8).
