MIÉRCOLES 18 de enero de 2023-pe osẽ jw.org-pe peteĩ anúnsio. Oñeanunsia ermáno Gage Fleegle ha Jeffrey Winder oĩtaha pe Kuérpo Governánte de los testigos de Jehovápe. Koʼã mokõi ermáno heta áñorema oservi Jehovápe ipyʼaite guive.

Ermáno Fleegle okakuaa Pensilvania, Estados Unídospe. Ituakuéra omboʼe vaʼekue chupe la Biblia. Imitãrusúrõ guare ova vaʼekue hikuái kampáñape oñekotevẽhápe opredikáva. Upe riremínte ojevautisa el 20 de noviembre de 1988.

Ituakuéra siémpre omokyreʼỹ vaʼekue chupe oservi hag̃ua Jehovápe de tiémpo kompléto. Upévare oinvitámi vaʼerã hikuái hógape umi superintendénte de sirkuíto ha betelítape. Péicha haʼe ohechakuaa mbaʼeichaitépa ovyʼa koʼã ermáno. Ojevautisa riremi oñepyrũ kuri oservi kómo prekursór rregulár, el 1 de septiembre de 1989. Upe rire 2 áño haguépe, oike oservi hag̃ua Betélpe, haʼe ningo oreko guive 12 áño opensáma vaʼekue ohoseha oservi upépe. Péicha oñepyrũ oservi Betel de Broóklynpe octubre de 1991 guive.

Ñepyrũrã ombaʼapo ojejapohápe enkuadernasión 8 áñore ha upéi oñeasigna chupe pe Departaménto de Servísiope. Upe tiémpope oservi avei kuri peteĩ kongregasión oñeñeʼẽhápe ruso. Omenda Nádiare 2006-pe ha upe guive oservi hikuái oñondive Betélpe. Avei mokõivéva oservi kuri kongregasión portuguéspe ha koʼág̃a mas de 10 áñoma oservi hague hikuái kongregasión españólpe. Oservi rire heta áñore pe Departaménto de Servísiope, ermáno Fleéglepe oñeasigna ombaʼapo hag̃ua pe Ofisína de Komite de Enseñánsape ha upe rire pe Ofisína de Komite de Servísiope. Marzo de 2022-pe oñenombra chupe  oipytyvõ hag̃ua pe Komite de Servísio del Kuérpo Governántepe.

Ermáno Winder okakuaa Murrieta, Califórniape. Ituakuéra omboʼe vaʼekue chupe la Biblia ha haʼe ojevautisa el 29 de marzo de 1986-pe. Un mes upe rire oñepyrũma ojapo iprekursorádo auxiliár ha ogustaiterei voi chupe. Heta mésere ojapo rire iprekursorádo auxiliár, oñepyrũ ojapo iprekursorádo rregulár el 1 de octubre de 1986.

Imitãrusúrõ guare ermáno Winder oho ovisita umi mokõi iñermáno majórpe oservíva hína kuri Betélpe. Upéva omokyreʼỹeterei chupe haʼe avei oservise hag̃ua Betélpe oreko vove la eda. Mayo de 1990-pe oñeinvita chupe oservi hag̃ua Betel de Wállkillpe.

Upépe haʼe oreko kuri heta asignasión. Por ehémplo ombaʼapo pe Departaménto de Limpiésape, Departaménto de la Haciéndape ha avei Ofisína de Betélpe. Áño 1997-pe omenda Ángelare ha upe guive oservi hikuái oñondive Betélpe. Ojeguerova chupekuéra Wárwickpe 2014-pe ha upépe ermáno Winder oipytyvõ oñemopuʼã hag̃ua pe sentrál mundiál. Áño 2016-pe ova hikuái Páttersonpe, pe Centro Educativo de la Watchtówerpe. Ha upépe haʼe ombaʼapo pe servísio de Audio ha Vidéope. Oho jey hikuái Wárwickpe 4 áño upe rire ha upépe ermáno Wínderpe oñeasigna ombaʼapo hag̃ua pe Ofisína del Komite de Personálpe. Marzo de 2022-pe oñenombra chupe oipytyvõ hag̃ua pe Komite de Personál del Kuérpo Governántepe.

Koʼã kuimbaʼe ningo haʼete voi ‘rregálo’ Jehová omeʼẽva ñandéve (Efes. 4:8). Ñañemboʼékena hesekuéra Jehová osegi hag̃ua ovendesi chupekuéra ombaʼapo jejopy haguére Irréino rehehápe.